O Burela Pescados Rubén inicia a liga reeditando un duelo ante o Atlético de Madrid que se converteu no clásico da Primeira División. A primeira xornada da competición deparou este choque de trens entre o actual campión e o conxunto mariñano que aspira á reconquista do título. O escenario do partido será o polideportivo municipal da Estación de Navalcarnero e o duelo celébrase o sábado día 13, a partir das 16.00 horas.
O Burela Pescados Rubén acode a este desafío mermado polas baixas de Jozi, Patri e Peque aínda que contará coa incorporación de Sandra Rodríguez, porteira de 16 anos que chega ás filas laranxas procedente do CD Adarve de Lugo. Respecto diso, o adestrador burelés indicou que “somos conscientes das importantes baixas que temos pero imos coa ilusión de competir para gañar os tres puntos e empezar cunha alegría a competición. Estes partidos son sempre moi bonitos e emocionantes para xogar. Sandra respondeu moi ben nos adestramentos e ten un gran capacidade de asimilación, confiamos plenamente en ela”. Do actual campión de Liga dixo que “malia a importante baixa de Anita Luján é un gran equipo que soubo cubrir a súa marcha coas incorporaciones de Ariane e Marta”. Quico Otero sinalou como unha das claves do partido “a concentración e a boa lectura do encontro. Son duelos moi axustados e os detalles decantan o devir do mesmo. É vital non cometer erros xa que o Atlético sempre está á espreita para sacarlles rendemento”.
Convocatoria
Burela Pescados Rubén: 3. Cristina, 5. Claudia, 9. Gaby, 10. Lara, 11. Kiko, 14. Bea Mateos, 17. Maite, 18. Shiori, 19. Paula, 20. Tainã, 28. Sandra.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
