Ribadeo, 12 de setembro de 2014. Do 15 ao 30 de setembro estará aberto o prazo de inscrición nas escolas deportivas municipais de inverno para o curso 2014/2015. A Concellaría de Deportes oferta 11 modalidades deportivas destinadas a nenos e nenas nados entre os anos 2001 e 2010, ambos incluídos. Son: fútbol, fútbol sala, patinaxe, natación, tenis, baloncesto, ximnasia rítmica, pádel, karate, atletismo e tenis de mesa.
Nas escolas con límite de prazas, que son patinaxe con 20 e natación con 40, realizarase un sorteo entre os inscritos o 1 de outubro, tendo preferencia os empadroados/escolarizados en Ribadeo. Desde a Concellaría de Deportes lembran que existen axudas para o pago total ou parcial da matrícula destinadas ás familias que se atopen en situacións económicas desfavorables. A cota por escola é de 60 euros. O pago da taxa deberá efectuarse na conta do Concello de Ribadeo en Caixa Rural ata o 17 de outubro, indicando no concepto “matrícula escola deportiva”. E o resgardo debidamente cumprimentado será entregado na Casa da Xuventude. A falla do ingreso implicará a baixa na/s escola/s.
O vindeiro luns terá lugar a presentación da escola deportiva de baloncesto no Auditorio Municipal e a súa actividade dará comezo o 16 de setembro. Tamén o luns comezará a súa actividade a escola de fútbol, que se desenvolverá nas instalacións do colexio Gregorio Sanz e no estadio Pepe Barrera. E o 17 de setembro botará a andar a escola de atletismo no Ceip Gregorio Sanz.
No caso do fútbol sala haberá unha xuntanza o 22 de setembro ás 19:30 horas no pavillón e a súa actividade iniciarase o día 23. O 26 de setembro terá lugar unha xuntanza informativa da escola de tenis, que dará comezo despois o 13 de outubro. O 30 de setembro no pavillón de Ribadeo iniciaranse as actividades da escola de ximnasia rítmica. O día 1 de outubro comezará o tenis de mesa. O 2 de outubro iniciará a súa tempada a escola de pádel no Padel Club Ribadeo e a escola de patinaxe no pavillón da Rúa Alfredo Deaño. A escola de natación arrincará o 3 de outubro na piscina municipal e finalmente o 8 de outubro é a data prevista para o inicio da escola de karate no IES Ribadeo.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
