O Seminario de Estudos do Valadouro fixo entrega este pasado martes, día 9 de setembro, dunha placa dedicada á Sociedade “Hijos del Valle de Oro en La Habana” por todo o labor de promoción cultural e educativa que leva facendo do noso Val dende hai xa cen anos. O acto levouse a cabo no Salón de Actos da Casa da Cultura “Manuel Lourenzo” de Ferreira do Valadouro e estivo presidido por Xabier Pardiñas (Presidente do SEVA), Edmundo Maseda (Alcalde do Valadouro), Emilio Lousas (Alcalde de Alfoz) e Pilar Fernández (Tesoureira da Sociedade homenaxeada). A placa rezaba: “Quen crea escolas sementa cultura, a nai da liberdade. Aos galegos da Habana, grazas por non esquecer”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
