Lugo, 10 de setembro de 2014.- Preto de 20.000 alumnos dos ciclos de Educación Infantil e Primaria incorporáronse este mércores aos centros educativos da provincia. O inicio do curso trae como principais novidades o avance do plurilingüismo e das novas tecnoloxías nas aulas, coa incorporación do libro dixital, e a aplicación da nova lei educativa en Primaria.
Así o sinalou a delegada territorial, Raquel Arias, durante unha visita ao CEIP A Ponte da capital lucense, onde destacou a normalidade coa que se produciu o regreso ás aulas dos 6.506 alumnos de Infantil e 13.443 alumnos de Primaria da provincia.
A delegada apuntou que se seguen a dar pasos importantes na introdución de ferramentas tecnolóxicas no ensino. Neste sentido, a representante do Executivo galego fixo referencia aos 11 centros da provincia de Lugo que disporán do libro electrónico, co que se desenvolverán os estudantes de quinto de Primaria.
En concreto, expuxo que os centros que contan con esta novidade para este curso 2014-15 son os CPIs de Navia, Castroverde, Friol e Guntín o CEIP Nº1 de Cervo e o de Quiroga, os centros educativos da Pontenova e Santa Rita de Galdo (Viveiro), así como os CEIPs Rosalía de Castro, Menéndez Pelayo e o propio da Ponte no que estivo esta mañá, estes tres últimos, da cidade lucense.
Crecemento da rede de centros plurilingües
Igualmente, Arias indicou que progresa o proceso de implantanción do plurilingüismo nas aulas, de forma que este ano créanse 28 seccións bilingües en diversos centros e hai seis colexios que se suman á lista de centros plurilingües existentes na provincia. “Increméntase nun 33% o número de centros plurilingües na provincia, que agora se sitúa en 24”, destacou a delegada.
Mentres, no caso das seccións bilingües, a subida permite que hoxe preto de 4.700 alumnas e alumnos de tódalas etapas educativas da provincia de Lugo se beneficien das posibilidades que ofrecen a formación en seccións bilingües, segundo afirmou Arias.
Ao respecto, a delegada subliñou o esforzo que está a realizar a Xunta de Galicia “para contar cun ensino público de calidade, modernizando infraestruturas, ferramentas e contidos para formar aos nosos nenos e nenas con cada vez máis competencias”.
Arias constatou que tanto o nivel de matrícula como o número de profesores reflicten datos que apenas varían con respecto ao ano pasado, e mantéñense igualmente o número de centros e de unidades, aínda que se redistribúen en función do alumnado. A delegada quixo agradecer “o traballo que está a realizar o profesorado, porque os recursos materiais son moi necesarios, pero a calidade do ensino só se alcanza coa implicación dos mestres e mestras”.
Así mesmo, Arias referiuse a que a Consellería de Cultura e Educación está a “cubrir as necesidades” do alumnado en tódolos centros da provincia. Así, segundo significou Arias, a ratio de alumnos por mestre na provincia “atópase moi por debaixo da que existe no contexto estatal”.
Neste sentido, o departamento educativo da Xunta de Galicia está a dar resposta de forma axeitada ás necesidades dos centros do rural da provincia de Lugo, onde “a proporción de alumnos por mestre é, en moitos casos, inferior incluso á existente no conxunto da provincia e, por suposto, á media galega”, agregou Arias.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
