Barreiros, 10 de setembro de 2014. O espazo artístico barreirense Eido Dourado poñerá punto e final o vindeiro domingo, 14 de setembro, á súa actividade estival iniciada a comezos de xullo. Celso Dourado, responsable do museo, fixo un balance moi positivo sobre as visitas rexistradas no verán, tanto na exposición permanente, coma no ciclo de concertos levado a cabo nos xardíns do Eido Dourado. O artista adiantou que xa está a traballar na vindeira tempada, a de 2015, e resaltou a dificultade de seguir organizando eventos culturais de calidade, sen contar con axudas oficiais ou cobrar entrada aos particulares.
Celso Dourado cualificou o balance dos concertos deste verán no Eido Dourado coma “estupendo e fenomenal porque coincidiron dous factores fundamentais: o tempo que nos axudou marabillosamente e nunca nos choveu e ademais coincidiron unha serie de músicos que fixeron que a programación fose francamente envexable. Tivemos dende jazz experimental, ata músicas vidas dende o continente africano, flamenco feito en Galicia e un largo etcétera, que deu unha calidade aos concertos que non tivemos noutras edicións. Os concertos tiveron unha acollida inmensa, xa que superamos sempre o aforo e estiveron nunha media aproximada de 200 persoas cada un. Algo que é realmente grande”.
O artista barreirense engadiu que “cada vez faise máis complicado organizar e manter o nivel dos concertos deste ano. Eu son unha persoa que cando vexo algo que me convence, tiro para diante. Por iso, cando vexo un músico que me asombra e me di algo, procuro traelo ao Eido Dourado. Pero aínda así, a organización faise difícil, e máis cando partimos da base de que todo o sufragamos con fondos propios. Aquí non hai ningunha subvención de ningún tipo de institución e tampouco cobramos entrada porque creo que esas músicas que están por aí, en moitos casos esquecidas, deben ser ofertadas á xente tal e como son. Eu sempre digo que levar a cabo actividades coma a nosa é case unha cuestión de militancia”.
Sobre as visitas rexistradas na exposición permanente do Eido Dourado durante este verán, Celso Dourado afirmou que “as visitas varían pouco dun ano a outro, o que si está claro, por exemplo, é que os días que chove as visitas son moi numerosas e os días que quenta o sol son inferiores. O que si é seguro é que o fin de semana sempre se baten picos de visitas. Con todo, o Eido Dourado é un espazo singular que eu pretendo manter con todo o meu esforzo e que está enclavado nun sitio moi concreto, moi determinado, moi de ocio, no que esperamos seguir”.
Celso Dourado adiantou que xa está a traballar en “renovar a exposición permanente que teño no museo con obras diferentes. Tamén quero comezar a programar os novos concertos do Eido Dourado. Esperamos que o vindeiro ano poidamos ter outra edición neste espazo, que dalgunha maneira siga camiñando na boa liña deste ano 2014”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
