A quinta xornada de Primeira División RFEF volve traer a Vista Alegre derbi galego. O domingo, ás 12.30 horas, as pupilas de Quico Otero perseguirán a súa segunda vitoria consecutiva coa visita do Viaxes Amarelle FSF nunha cita con entrada gratuíta.
O 2-4 da semana pasada en Móstoles borrou do horizonte laranxa a amargura do primeiro derbi da bomboneira (Cidade das Burgas, 0-5), cun cadro que está perfeccionando pequenas impurezas. “Pouco a pouco o equipo está asimilando o que eu quero; espero que todo siga así sen pausa e que o domingo se reflicta en Vista Alegre. Sempre debemos pelexar polos tres puntos pero na casa aínda estamos máis obrigados; non debemos deixalos escapar”.
Con 6 puntos, o Burela FS Pescados Rubén ocupa a 8ª praza, fronte á 14ª das coruñesas, que ata o momento só puntuaron na segunda xornada ante Ordizia (2-1); o cadro de Chipi caeu ante Poio FS (5-1), Orvina (5-3) e vén de sucumbir ao Atlético de Madrid Navalcarnero (1-4). “É un equipo renovado, que cambiou un pouco a súa filosofía”, adiantaba Quico Otero, incidindo “na garra e na agresividade” das súas xogadoras: “É un equipo que sempre roza o límite da falta; calquera contacto pode ser a favor delas” puntualizaba o técnico laranxa pedíndolles ás súas “velocidade e sobre todo concentración para evitar perdas de balón como nos aconteceu no último partido da casa, ante As Burgas”.
Con respecto ao estado do vestiario, Quico Otero explicaba que a lesionada Patri “non é seguro que entre e tamén teremos como dúbida a Lara, cun proceso gripal, á parte dalgunhas molestias que arrastran Peque, Jozi e Paula”.
O Viaxes Amarelle saltará a Vista Alegre coas exburelistas Lidia Mesías e Dolo nas súas filas e coas ausencias de Lucía Lago e María Gómez, por lesión, e a dúbida de Carmen Pérez.
Burela Pescados Rubén: 1. Jozi 3. Cristina, 5. Claudia, 7. Peque, 9. Gaby, 10. Lara, 11. Kiko, 14. Bea Mateos, 17. Maite, 18. Shiori, 19. Paula, 20. Tainã, 13.Patri (dúbida).
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
