O Burela FS Pescados Rubén medirase este sábado, na décima xornada de Primeira División RFEF, ao Gironella, penúltimo clasificado (municipal, 17.30 horas). O cadro laranxa puxo rumbo este venres, ás 08.00 horas, nun dos seus desprazamentos máis esgotadores coas ausencias de Gaby, por lesión, e Kiko, por enfermidade, que xa non entraron na convocatoria da semana pasada coa vitoria fronte ao Alcorcón (3-2).
Dende a terceira Praza (21 puntos), o equipo mariñán saltará á pista dun rival que posúe 4 puntos, froito do empate en Majadahonda (2-2, 5ª xornada) e da vitoria como anfitrión ante o Orvina (2-0, 8ª xornada). O Burela FS pelexará polo seu sétimo triunfo consecutivo, mantendo intensidade e orde, ante un equipo con ganas de saír da zona de perigo, guerrilleiro e con xogadoras que saben marcar moi ben os tempos dos partidos.
Na zona alta da táboa, o compromiso das burelistas será o máis desequilibrado a priori. Esta semana o cuarto clasificado, Ourense (19 puntos), recibirá o líder, Atlético de Madrid Navalcarnero (27 puntos), e Cidade das Burgas (24 puntos) defenderá a segunda praza na casa fronte ao Alcorcón (16 puntos), quinto clasificado.
Burela Pescados Rubén: 1. Jozi 3. Cristina, 5. Claudia, 7. Peque, 10. Lara, 13. Patri, 14. Bea Mateos, 17. Maite, 18. Shiori, 19. Paula, 20. Tainã
XXIV Copa Galicia
O Burela FS Pescados Rubén verase as caras na segunda eliminatoria da Copa Galicia co Cidade das Burgas, que se deberá disputar entre o 23 de novembro e 19 de decembro, a partido único, coincidindo coa parada da liga de Primeira División RFEF polo Campionato Mundial de Fútbol Sala Feminino.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
