O derbi entre Burela FS Pescados Rubén e Prone Lugo AD, un duelo ao que ambos os equipos chegaron con baixas importantes, cubriuse este sábado de cor laranxa. Os mariñáns impuxéronse 6-1 con dobretes de Matamoros, Isi e Antoñito ante un rival que sempre deu a cara.
Buscaron os pronistas a meta burelista xa nos primeiros segundos intentando sorprender a Álex, pero o perigo chegou do lado burelista. Tras un balón longo do 13 laranxa a Matamoros e un saque de esquina que non conseguiu enganchar Antoñito, Mata abriu o marcador no minuto 2, aproveitando un córner de Isi. Incrementou o axexo o conxunto da Mariña sobre a portería de Óscar Iglesias. Iago Míguez, no minuto 3, Chano, no 7, e Antoñito, no 9, perdoaron demasiado, pero Isi plantouse no ecuador da primeira parte para poñer o 2-0 nunha recuperación que conseguiu finalizar a pase de Mata superando o gardameta lugués. Malia que o peso do encontro era local, o equipo visitante conseguiu recortar distancias no minuto 12, nun balón recolleito por Javi Río desde a banda, un dos xogadores pronistas máis ferintes. Pouco despois Óscar Iglesias conseguiu frear a embestida dos potentes disparos de Mata e Chano, pero non puido facer nada ante Antoñito, no minuto 15, que subiu o 3-1 desde saque de esquina de Isi. O conxunto de Albes seguiu pelexando pola remontada sen xerar apenas nerviosismo nas filas locais, a excepción do lanzamento de Manuel María, no 15, desde balón parado, que se estrelou contra o largueiro. A falta de 20 segundos para o descanso, Iago Míguez a punto estivo de subir o 4-1 nun disparo que se foi demasiado alto.
No segundo período, os pronistas quixeron complicarlle as cousas ao Burela FS. Malia que nos primeiros segundos o ataque local intentou sorprender a Óscar Iglesias, que conseguiu sacar o esférico axudado por Iago Rodríguez, despois o conxunto mariñán viuse obrigado a non perder a concentración en defensa con tripla tentativa de Antonio Diz en tan só dous minutos. O 9 de Lugo a punto estivo de sorprender a Álex tamén no minuto 25 tras un mal saque de porta do meta burelista que aproveitou Javi Río. Con todo, os de Juanlu enseguida recuperaron o control e o gol, cun gran contraataque de Isi que superou a Óscar Iglesias e perforou a rede para subir o 4-1.
Os visitantes apostaron pola remontada con xogo de cinco liderado por Álex Diz a falta de pouco máis de oito minutos para o descanso, pero non conseguiron alterar a solidez defensiva dos laranxas, que souberon aproveitar para ampliar a fenda no marcador. Despois do man a man entre Iago Míguez e Álex Diz enfundado na camiseta de porteiro xogador, Antoñito asinou o 5-1 a porta baleira no minuto 36 tras recuperación Matamoros fronte ao 10 lugués. Un minuto despois Matamoros fixo o propio para anotar o seu dorlete, co definitivo 6-1. Os visitantes asediaron ata a extenuación a área burelista nos últimos segundos ante un brillante Álex.
O Prone despediuse de Vista Alegre arroupado por varias decenas de afeccionados que non cesaron de animar o conxunto pronista, sumido nunha mala racha, sen puntos ata o momento.
Ficha técnica
Burela FS Pescados Rubén: Álex, Isi, Matamoros, Carlitos, Antoñito, cinco inicial; tamén xogaron Iago Míguez, Hélder, Chano
Prone Lugo AD: Óscar Iglesias, Iago Rodríguez, Antonio Diz, Álex Diz, Javi Río, cinco inicial; tamén xogaron Nacho Pedraza, Manuel María, Rubén Mouriz, Adrián
Goles: 1-0, minuto 2, Matamoros; 2-0, minuto 10, Isi; 2-1, minuto 13, Javi Río; 3-1 minuto 15, Antoñito; 4-1, minuto 27, Isi; 5-1, minuto 36, Antoñito; 6-1, minuto 37, Matamoros
Tarxetas: Por Burela FS amarela Iago Míguez (minuto 12). Por Prone amarela a Óscar Iglesias (minuto 6), Iago Rodríguez (minuto 19)
Árbitros: Rodrigo Miguel // Sánchez Molina
Incidencias: Partido correspondente á décima xornada de Primeira División LNFS disputado en Vista Alegre, con emisión en directo de TVG2. Arredor de 1200 espectadores.
*Foto: Marián García Mesa.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
