A Unión de Consumidores de Galicia ven de presentar o I Estudo da Cesta da Compra en Liña que por vez primeira analiza os prezos dunha cesta da compra atendendo tanto aos prezos por envase como por unidade de medida (litro, kg, etc.) e que ofrecen as principais cadeas de distribución asentadas en Galicia nas súas plataformas de compra a través da internet. Todos os produtos sometidos a análise foron de marca comercial que destacan pola súa popularidade e coñecemento xeneralizado.
Os resultados indican que Mercadona é a cadea de distribución que se sitúa nunha mellor posición relacionando as dúas variables a analizar. Na situación oposta atópase Hipercor que resulta a opción máis cara tanto dende o punto de vista do prezo por envase como de unidades estandarizadas. Un bo resultado nas dúas variables permite aos consumidores obter unha garantía de bo prezo con independencia do formato que adquiran.
Para encher o carro virtual cos produtos da nosa cesta precisamos 224 € de media. A mellor opción en relación ao prezo por envase é Froiz onde realizar a compra cústanos 203 €, seguida de preto por Mercadona. Na parte oposta atópase Hipercor onde precisamos 43 € máis.
En prezos por unidade de medida (elemento que mellor permite a comparación de prezos) a cadea máis competitiva é Alcampo onde gastamos 316 € só 6 menos que a seguinte Mercadona pero un 16% menos que a máis cara, Hipercor. De media precisamos 345 € para realizar a nosa cesta da compra en unidades estandarizadas.
En produtos de alimentación as dúas cadeas de distribución galegas (Froiz e Gadis) son as que obteñen uns mellores resultados en prezos por envase. Se analizamos o prezo por unidade de medida Alcampo é a opción máis económica. No apartado de bebidas Eroski e Froiz ofrecen os mellores prezos por envases e Alcampo no caso dos prezos estandarizados.
Por último no apartado de droguería Mercadona destaca como opción máis económica tanto en envases como en unidade de medida.
O estudo evidencia a íntima relación entre os formatos dos produtos e a súa incidencia no prezo final da cesta da compra. Ademais pon de manifesto claras tendencias dos grupos de distribución á hora de apostar por unha tipoloxía de formato e a súa aproximación ou distanciamento das unidades de medida estandarizadas.
Outros aspectos tratados no estudio inciden na accesibilidade e facilidade de uso das plataformas. Só Carrefour conta con APP a disposición dos usuarios e unha web optimizada para dispositivos móbiles como smartphones ou tablets, algo que se bota moito de menos noutras plataformas e que dificulta enormemente o seu uso.
No tocante aos aspectos legais, Unión de Consumidores de Galicia lembra a obrigatoriedade da dobre indicación de prezos (PVP e unidade de medida), aspecto que incumpre Froiz xa que logo non inclúe esta segunda referencia. En relación con outros aspectos como protección de datos, medios de pago, custes do servizo ou identificación das empresas, UCGAL non detectou irregularidades salientables.
Para a elaboración do estudio, realizáronse un total de 6 tomas de mostras ao longo dos meses de xullo a outubro dunha lista de produtos composta por 83 referencias divididas en tres grades apartados (Alimentación, bebidas e droguería).
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
