Alfredo Llano García, como portavoz e en nome do Grupo Municipal Socialista presenta a seguinte moción para a súa inclusión na orde do día do pleno do 27 de novembro de 2014, para o seu debate e aprobación, a favor de modificar ou anular o “Protocolo do Xeonllo” para garantir os dereitos na sanidade pública.
EXPOSICIÓN DE MOTIVOS
O desmantelamento da Sanidade Pública é evidente dende o mesmo momento en que o PP se fixo co goberno da Xunta. Á perda da Área Integrada propia da Mariña, de servizos sanitarios, de persoal facultativo (Cervo, Xove, Ribadeo, Riotorto e Hospital da Costa), persoal técnico e administrativo, repagos, perda de dereito universal por un modelo de aseguramento, etc. hai que engadir a progresiva substitución da sanidade pública en favor da sanidade privada que os responsables do PP exercen de forma natural como queda demostrado na última comunicación que o EOXI de Lugo, Cervo e Monforte enviou o persoal administrativo dos centros de saúde da Mariña respecto o “Protocolo do Xeonllo” onde deberán ofertar o servizo no POLUSA, comunicando unha atención máis rápida que no Hospital da Costa e tramitar as citas para o centro privado.
Este protocolo deixa claro que se debe dar un unha preferencia ó centro privado para a realización das probas de resonancia magnética e obriga a comunicar aos doentes que precisen deste servizo, por afectacións nos xeonllos, a atención programada e prioritaria no POLUSA todos os xoves. Si o doente elixe facer estas mesmas probas no Hospital da Costa a prioridade do servizo será ordinario.
Con este protocolo queda demostrado un novo exemplo de privatización, e para máis inri usando ao propio persoal da sanidade pública para tramitar citas na sanidade privada, tamén se derivan a esta fondos públicos mentres se deixa que o servizo da pública sexa máis deficiente. Deste xeito o SERGAS a través do EOXI (xestión integrada) obriga a desprazarse moitos quilómetros a doentes da Mariña o mesmo tempo que favorece á sanidade privada. O Hospital da Costa queda como alternativa de “banquillo”.
O protocolo esta por escrito e enviado aos centro de saúde, pero tamén se fixeron reunións onde se deron instrucións orais o persoal administrativo onde se dirá que as previsións de atención será entre 15 e 30 días no POLUSA, mentres que no Hospital da Costa a tramitación das mesmas probas de resonancia magnética prográmanse con prioridade ordinaria e seguindo un protocolo que alonga os tempos de agarda.
No Hospital da Costa as resonancias magnéticas fanse empregando un equipo móbil. Esta situación provoca listas de agarda que non sempre son coñecidas. As probas de resonancia magnética son de moita importancia para o servizo de traumatoloxía que en Burela conta con grande demanda o que implica maior lista de agarda oficiais e encubertas, tanto en primeiras consultas como en intervencións cirúrxicas.
Hai que lembrar, sen facer moito caso, que o PP anunciou varias veces un equipo estable de resonancia magnética.
Por iso, o Grupo Municipal Socialista do Concello de Burela presenta para a súa consideración e aceptación polo Pleno Municipal os seguintes ACORDOS:
1.- Anular ou modificar o Protocolo de Xeonllo enviado e imposto polo EOXI.
2.- Iniciar os trámites necesarios para a instalación dun equipo estable de resonancia magnética no Hospital da Costa.
3.- Instar o SERGAS a ofrecer un servizo sanitario público de calidade, gratuíto e universal que garanta a asistencia sanitaria por riba dos intereses privados e que no Hospital da Costa os doentes da Mariña poidan ter a opción, en todos os servizos, de atención preferente cando o precisen.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
