Ribadeo, 5 de novembro de 2014. Indignación na Asociación de Comerciantes, Industriais, Servizos e Autónomos de Ribadeo tras os cortes de luz que se produciron nas últimas horas no municipio e que ocasionaron avarías importantes a algúns establecementos asociados.
Dende a directiva sinalan que “é preocupante e indignante que coa primeira tormenta do outono en Ribadeo esteamos cos problemas de sempre, con continuos cortes de luz, con subas e baixadas de tensión, que o que fan é estragar un montón de aparatos eléctricos, ademais de obrigarnos a estar parados mentres a subministración non se recupera. En Acisa imos seguir denunciando esta situación sempre que se produza, porque queremos contar cun servizo acorde cos tempos que corren, é dicir co século XXI,”. Acisa engade que “onte daba pena ver clientes dos nosos establecementos esperando para poder aboar as súas compras ou as súas consumicións, porque non había subministración eléctrica e as caixas e os tpvs non funcionaban. Hostaleiros e comerciantes séntense impotentes e desprotexidos ante esta situación polas perdas que lles supón e pola pésima imaxe que se ofrece de Ribadeo”.
A directiva de Acisa recorda que “o ano pasado convocamos unha manifestación en outubro para denunciar esta problemática. Recollemos firmas durante varias semanas, que achegamos ao escrito presentado ante a Consellería de Industria o pasado mes de xaneiro denunciando esta situación. E a resposta da administración foi remitirnos o informe que lle enviou Begasa e no que a compañía sinalaba que os cortes na subministración eléctrica en Ribadeo se enmarcan dentro da normalidade e do que permite a lei. Non conformes con isto en abril volvemos presentar outro escrito ante a Consellería de Industria e de momento non se puxeron en contacto connosco”.
Acisa demanda unha vez máis “á Xunta, a través de Industria, que mírao pola prestación dun correcto servizo eléctrico en Ribadeo. É a administración autonómica a que ten que protexernos e a que debe garantir que Begasa ofreza unha subministración de calidade a un municipio tan importante como o noso, con máis de 10.000 habitantes, referencia comercial e hostaleira na Mariña e no Occidente Asturiano. Este martes houbo cortes de luz noutras zonas, pero non tan continuos e sangrantes como os de Ribadeo. Queremos unha solución xa”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
