O Consorcio Provincial de Bombeiros de Lugo vén de aprobar, no Pleno celebrado hoxe no Pazo de San Marcos, o Orzamento para o ano 2015, que ascende a 5.315.051 euros. Este orzamento reflicte un incremento con respecto ao do pasado ano, que consignaba para o servizo de emerxencias da provincia de 5.170.752 euros.
O Pleno deu luz verde a unhas contas que medran porque, tal e como destacou o Presidente da Deputación, José Ramón Gómez Besteiro, “imos facer inversións nas dotacións dos parques, mellorando os equipamentos empregados polos profesionais que prestan servizos”.
Trátase, en concreto, dunha achega por valor de 420.000 euros que se destinarán á compra de 4 novos equipos de excarceración; a adquisición de material de rescate en altura; de 66 novos equipos de telecomunicacións, e doutras melloras nas instalacións dos parques Barreiros, Chantada, Vilalba, Viveiro e Monforte de Lemos.
Precisamente no que se refire á mellora das dotacións dos parques, o Pleno tamén aprobou hoxe a adquisición dun camión nodriza (BNP) para o parque de Monforte de Lemos, por un importe de 236.000 euros, malia que neste caso o gasto xa estaba recollido nos orzamentos do 2014. Deste xeito, Monforte, que se incorporou á rede provincial algo máis tarde, contará tamén cun parque dotado de instalacións e material punteiros e de calidade.
Gómez Besteiro tamén quixo destacar a importante aportación económica que fai UNESPA (Gestora de Conciertos para la contribución a los servicios de Extinción de Incendios), por valor de 750.000 euros. Grazas a esta achega anual para o funcionamento dos seis parques comarcais da provincia, os lucenses benefícianse de diminucións nas primas dos seguros de incendios, xa que este aportación revirte en melloras deste servizo público, “un servizo profesional e moi próximo aos seus domicilios”, segundo subliñou Gómez Besteiro.
Renovación de cargos
Un dos puntos da orde do día da sesión plenaria celebrada este venres era a renovación dos titulares da presidencia e vicepresidencia do Consorcio, que serán exercida polo Presidente da Deputación, José Ramón Gómez Besteiro, e Luis Menor Pérez, Director Xeral de Emerxencias de Galicia, respectivamente. Axutándose aos Estatutos do Consorcio, estes foron elixidos por unanimidade e exercerán por un período de dous anos.
O Consorcio de Bombeiros de Lugo, financiado ó 50% por Deputación de Lugo e Xunta de Galicia, e no que tamén participan os Concellos, é un exemplo de colaboración entre as Administracións co obxectivo de optimizar os recursos existentes e ofrecer aos cidadáns servizos cada vez máis eficientes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
