Ribadeo, 3 de decembro de 2014. Esta noite producíronse inundacións nalgunhas parroquias e zonas do interior de Ribadeo, debido ás intensas chuvias caídas nas últimas horas. Segundo acaba de explicar o alcalde, Fernando Suárez, houbo incidencias e asolagamentos na ponte das Anzas, en Covelas e tamén en Remourelle.
O rexedor declarou que “nesta época estamos concentrando toda a auga do ano enteiro. Se hai uns días Ribadeo e tamén concellos próximos tivemos moitos problemas coa auga, fundamentalmente nese caso nas parroquias da costa, moitas veces agravados pola situación da autovía e da circunvalación pola decisión no seu momento de unificar moitos regatos, agora con todo o que leva chovido esta noite e nas últimas horas provocou incidencias certamente salientables tamén nas parroquias do interior”. Suárez Barcia contou que “os veciños estannos chamando, imos e levamos dende primeira hora da mañá vendo como a ponte das Anzas, por exemplo, está totalmente asolagada pola auga. Tamén hai algúns problemiñas en Covelas e en Remourelle, sitios onde polo que sabemos de momento non levou ningunha ponte, pero si quedaron algunhas delas por debaixo do nivel do caudal que leva o río, moi crecido e moitos arrastres tamén, nalgúns casos de madeira, que obstaculizan algúns ollos dalgunhas pontes”.
O alcalde ribadense dixo: “entendo que chove e iso non é culpa de ninguén pero, como xa llo comunicamos hai uns días tanto a Augas de Galicia como ao Ministerio de Fomento, polo tema da autovía, debemos ter máis planificación desde o punto de vista estratéxico para que logo, cando pasen estas cousas, non se desdobren os ríos porque non teñen o canle ben afirmado, que os amieiros que normalmente están nunha beira agora acaban no medio do río. Hai que facer unha política de limpeza e medioambiental, desde o punto de vista autonómico, máis activa. Pero sabemos que non é culpa de ninguén que caian 90 litros de auga por metro cadrado nun día. Iso é culpa da natureza, que é moi sabia, pero tamén desde as institucións, e singularmente desde a Xunta de Galicia, deben facer planificación para non ter que lamentar sucesos como os ocorridos hai 5 anos, cando houbo auténticas desgrazas”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
