Lourenzá, 03 de decembro de 2014. As inundacións como consecuencia das intensas chuvias rexistradas dende a noite deste martes causaron importantes danos materiais, a morte de animais e o desaloxo das persoas residentes en dúas vivendas do municipio de Lourenzá. Así o explicou a alcaldesa, Emma Álvarez Chao, despois de percorrer os lugares máis afectados.
“No casco urbano de Vilanova de Lourenzá desbordouse o rego de Recemil, polo que levo moito tempo facendo xestións co Ministerio de Fomento xa que dende que se fixo a autovía canalizouse moita auga e fíxose unha balsa para recollela, pero non é suficiente e as canalizacións que construíron ocasionan que a conca aumente considerablemente. As augas veñen canalizadas dende Arroxo por distintas canles ata entrar en Vilanova de Lourenzá pola rúa Obispo Villaroel e xusto alí desbórdase. Hoxe as consecuencias foron inundacións en tres vivendas e na antiga fábrica de Muebles Hermida. Tamén se inundou un garaxe doutro inmoble”, explicou a rexedora municipal.
Emma Álvarez engadiu que o río Baos “desbordouse xusto na Ponte da Pedra e causo a inundación dunha casa e das cuadras doutra; nestas había animais que tiveron que ser desaloxados para evitar a súa morte. Ademais o Baos causou asolagamentos en tres casas na parroquia de San Xorxe: unha no lugar da Pena, onde morreron varios animais afogados e houbo danos en electrodomésticos. Neste lugar hai unha ponte bastante estreita, que haberá que substituíla. No lugar do Machuco houbo que desaloxar a dúas persoas maiores residentes en sendas casas, que foron atendidas polos Servizos Sociais e prevese que poidan regresar ás súas vivendas nas vindeiras horas. Tamén houbo danos en Santo Tomé, pero alí foron arranxados polos propios veciños sen que tivesen que actuar os bombeiros”.
A alcaldesa explicou que ademais houbo danos causados por desprendementos de terra: “nunha casa de San Xorxe entrou a auga no garaxe e dous coches tiveron que sacalos cunha grúa; a estrada que bordea Vilanova polo mercado gandeiro e pola Tilleira estivo cortada durante varias horas por dous desprendementos de terra, un deles ocasionado probablemente porque, segundo explicaron os veciños, unha das cunetas estaba atascada con madeira polo que se fixo unha bolsa de auga e tirou o terraplén, o que levou o muro dunha casa, unha farola e causou outros danos”.
A rexedora lamenta o ocorrido e asegurou que seguirá insistindo diante de Augas de Galicia e do Ministerio de Fomento para que se tomen medidas canto antes co fin de evitar que se repitan estes problemas.
Emma Álvarez deu as grazas aos voluntarios da agrupación local de Protección Civil e ao persoal do parque de bombeiros de Barreiros e do Grupo de Emerxencias Supramunicipal (GES) da Pontenova, así como as patrullas da Garda Civil de Mondoñedo, de Foz e de Burela.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
