Riotorto, 3 de decembro de 2014. O alcalde de Riotorto, Federico Gutiérrez Estoa, afirma que o anuncio do PP de que vai solicitar un pleno extraordinario da corporación municipal sobre as obras da estrada Riotorto-Marco de Álvare “é para desviar a atención e intentar tapar o seu fracaso e a súa burla ós veciños de Riotorto na xestión da praza de médico vacante no centro de saúde, que segue a día de hoxe cun só un facultativo”. O rexedor municipal tamén manifestou que “para o goberno local é urxente o asunto da estrada Riotorto-Marco de Álvare; e proba disto é que estamos semana si e semana tamén na Deputación Provincial interesándonos por solucionar este problema. A paralización responde a causas estritamente meteorolóxicas, xa que tan pronto o tempo o permita a estrada rematarase nun 95% do seu trazado; é cuestión dun mes de traballos”.
“O que pretende o Partido Popular agora é tapar o tremendo fracaso da súa xestión relativa á falta dun médico no centro de saúde de Riotorto, pois a Consellería de Sanidade tivo que rectificar a decisión que tiña adoptada de suprimir esta praza, aínda que agora queiran atribuírse uns méritos que non lle corresponden ó PP senón aos veciños de Riotorto. Que saiban que os veciños de Riotorto somos adultos, non somos nenos que se contenten cun caramelo ata que pasen as eleccións, porque a realidade é que seguimos cun só médico e ninguén nos garante que Riotorto vaia contar con dous despois de maio”, explicou Federico Gutiérrez, quen ademais lembrou que “se recolleron 1.500 firmas, que vamos entregar proximamente á delegada da Xunta en Lugo, quen aínda non nos recibiu como tampouco o fixo a conselleira de Sanidade. Os veciños de Riotorto non imos admitir burlas nin da Xunta nin dos representantes do PP no noso concello ”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
