Desde o pasado mes de novembro, os fins de semana en Burela empezan o xoves… Isto é o que pretendían e conseguiron os cinco locais de hostalería que organizan os “Juernes&Tapas en Burela”: Hotel Nordés, A Parrillada de Jandro, Cervecería Kiko, O Traste e BoasMigas.
Unha oferta gastronómica que terá unha gran acollida entre o público e que ofrece cada xoves dúas novas tapas elaboradas en cada un dos locais participantes ao prezo de 1,50 euros. Ademais, os clientes que durante os tres “juernes” do mes de decembro proben polo menos unha tapa nos cinco locais poden participar no sorteo dunha visita para dúas persoas ás Bodegas e Museo da Cultura do Viño de Dinastía Vivanco en Briones (A Rioxa). O gañador do premio no mes de novembro foi Raúl Fraga, que selou a súa tarxeta nos cinco locais participantes.
A Ruta de Tapas terá lugar as tres primeiras semanas de decembro, xa que o “juernes” día 25 non se celebra por ser día de Nadal. Este “Juernes”, 4 de decembro, ábrese o mes da Ruta de Tapas coas seguintes propostas:
HOTEL NORDÉS (Empanadiñas de presa ibérica con tomate concase; Niño de berberechos e verduriñas).
A PARRILLADA DE JANDRO (Salmón en salsa de eneldo e gambas; Donut madrileño).
CERVECERÍA KIKO (Quiche Lorraine con salsa de porros; Picaña).
O TRASTE (Brochetas de polo con salsa grellada; Tosta de cecina con queixo fundido).
BOASMIGAS (Calzone de polo, gambas e grellada; Palomitas de polo con salsa).
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
