Clasificación histórica do CD Burela FS Pescados Rubén para a Copa de España 2015 que se disputará en Cidade Real. O equipo dirixido por Juanlu Alonso consegue o billete copeiro ao gañar por 3-6 ao Montesinos Jumilla e trala derrota do Peñíscola Bodegas Dunviro (4-3) na cancha do Aspil Vidal Ribera Navarra. Con estes resultados o Burela Pescados Rubén ocupa a oitava praza que supón o seu pase copero e despide un ano histórico. En 2014 o CD Burela FS Pescados Rubén acadou o seu primeiro play off polo título e agora consegue a súa primeira clasificación para a Copa de España.
O conxunto da Mariña consegue a súa primeira clasificación á Copa de España cun gran partido en terras murcianas onde mostrou a templanza precisa para conquistar os tres puntos. O choque comezou cun ritmo frenético por parte da escuadra laranxa que acosou a meta local pero tras perdoar o Montesinos acertou na súa primeira ocasión para abrir o marcador (1-0). Lonxe de amilanarse os mariñaos persistiron na súa idea e lograron remontar o encontro cun golazo de Chano e outro de Iago Míguez (1-2) no ecuador do primeiro periodo. A intensidade do partido provocou por momentos un intercambio de ocasións sendo as máis claras de cor laranxa pero máis efectivo o cadro local que empatou o choque (2-2), minuto 16. Sen tregua continuou o duelo e emerxeu a figura do killer laranxa. Matamoros non faltou á súa cita co gol e cun golazo de falta directa estableceu o 2-3 co que se chegou ao descanso.
Na continuación, o Montesinos apertou a un Burela que tivo en Edu ao seu mellor xogador durante esa fase de acoso local que fulminou Iago Míguez ao marcar o 2-4 nun contragolpe, minuto 30. A partir deste tanto o Burela Pescados Rubén manexou con temple o partido e aínda que o intentou o Jumilla con xogo de cinco foron os mariñaos os que aumentaron a súa renda con goles de Antoñito e Chano. Nos instantes finais o Montesinos Jumilla marcou o definitivo 3-6.
Ficha técnica
Montesinos Jumilla: Chico, Aarón, Ique, Pizarro, Josiko –cinco inicial- Alamiro, Boyis, Constantino, Rober, Pichi, Lorenzo.
Burela Pescados Rubén: Edu, Isi, Matamoros, Carlitos, Antoñito –cinco inicial- Chano, Ángel, Hélder, Iago Mïguez.
Goles: 1-0, m.3, Boyis; 1-1, m.5, Chano; 1-2, m.10, Iago Míguez; 2-2, m.16, Pichi; 2-3, m.18, Matamoros; 2-4, m.30, Iago Míguez; 2-5, m.37, Antoñito; 2-6, m.39, Chano; 3-6, m.40, Pizarro.
Árbitros: Bernabeu Haro, Sánchez Ayala. Amarela a Carlitos (Burela) no minuto 28 e Alamario (Jumilla) no minuto 27.
Incidencias: Partidos correspondente á xornada 15 da Primeira División da Liga Nacional de Fútbol Sala. Disputado no pavillón Carlos García Ruiz de Jumilla. 500 espectadores.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
