O triple medallista continental mariñán, Cristóbal Rodríguez, adxudicábase esta fin de semana a Copa do Torneo Internacional Marques Funchal, que se celebrou na localidade lusa de Anadía pertencente ó distrito de Aveiro en Portugal.
O multideportista de Viveiro chegaba o venres á noite á localidade lusa co Equipo Nacional Español e cun dos seus adestradores que viaxaron en automóbiles.
A competición deu comezo o sábado ás 08.00 horas, hora local, e finalizaba pasadas as 19.30 horas, tras case 12 horas de dura competición. A primeira proba á que se enfrontou o galego foi a de esgrima, na que rematou na segunda praza, para pasar por razóns de programación á proba hípica na que acadou a vitoria.
Cara ás 15.00 horas tocaba a proba de natación que se adxudicou tamén con autoridade. Xa ás 18.00 horas o pentatleta de Viveiro que marchaba á fronte da clasificación xeral recibía últimas instrucións da súa técnico para afrontar a proba combinada de axunta (Carreira-Tiro). Dado o pistoletazo de saída, Rodríguez foi secuenciando a carreira e o tiro para administrar a súa vantaxe con respecto aos perseguidores alzándose coa vitoria queo convertía no primeiro pentatlea español en lograr esta pretixiosa proba internacional.
Ó pouco de finalizar a proba, o deportista recibía a chamada dos directivos da Federación Galega e Española para felicitalo xunto cos seus compañeiros.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
