Burela, 4 de xaneiro de 2015. “O Concello de Burela recibe á selección nacional absoluta de fútbol sala masculino cos brazos abertos e con moito calor humano e deportivo”. Así se expresou o alcalde burelés, José María González Barcia, para describir o ambiente que se respira na localidade con motivo da disputa do encontro entre a selección nacional e a súa homónima de Ucrania.
González Barcia recoñeceu que “grazas a este evento, Burela será de novo, por unhas horas, a capital do fútbol sala nacional, xa que un encontro da selección, por moi amigable que sexa, pon á localidade na que se disputa no mapa do deporte nacional, polo que este Concello está e estará eternamente agradecido a todas as institucións que fan posible que ‘A Roja’ de fútbol sala xogue por terceira vez un partido na nosa localidade, desde o Burela Pescados Rubén, ata a Federación Española, pasando pola Federación Gallega, porque para un municipio de dez mil habitantes acoller un encontro internacional sempre significa un reto pero tamén un orgullo”.
O alcalde burelés agarda que “o pavillón Vista Alegre estea cheo de afeccionados que co seu ánimo lle demostren á selección que vale a pena vir a Burela porque aquí sempre atopan e atoparán o calor e o cariño da afección ao deporte, especialmente ao fútbol sala”.
Barcia non se esqueceu “da cantidade de eventos vencellados co fútbol sala nacional celebrados no noso concello nos últimos anos: campionato de seleccións territoriais femininas sub-17, Copa de España de fútbol sala feminino, etc, que xunto co bo facer do Burela Fútbol Sala Pescados Rubén, dobre feminino liga-Copa na temporada 2012-2013 e disputa da Copa por primeira vez nesta temporada en categoría masculina, axudan a promocionar o deporte de base e a poñer a Burela no mapa do deporte nacional”.
O rexedor finalizou indicando que “o Concello seguirá colaborando na medida das súas posibilidades en todo aquilo que teña que ver coa difusión do nome de Burela a través do deporte, tamén na organización de eventos coma os indicados, tal e como o viñemos facendo hasta o momento”.
O partido que disputarán as seleccións de España e Ucrania dará comezo ás 17.00 horas deste luns, no pavillón Vista Alegre.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
