Lugo, 27 de xaneiro de 2014.- A delegada territorial da Xunta, Raquel Arias, sinalou este martes que “o importante labor de promoción turística que realiza a Xunta de Galicia está a dar os seus froitos” e iso reflíctese en datos como “as cifras históricas de turistas estranxeiros rexistrados na provincia de Lugo no ano 2014, onde estes viaxeiros aumentaron con relación ao ano anterior nun 32%”.
Así, Arias subliñou que preto de unha de cada tres persoas que visitaron a provincia nalgún momento do ano proceden do mercado internacional (180.718 persoas), “o que está directamente relacionado co traballo de difusión que leva a cabo a Xunta a través de Turismo de Galicia”.
Os datos do Instituto Nacional de Estatística (INE) revelan que visitaron a provincia entre o 1 de xaneiro e o 31 decembro do 2014 un total de 634.230 viaxeiros, o que en conxunto, “supón unha subida no balance xeral de 13,8%, o maior incremento de tódalas provincias galegas”, segundo indicou a representante do Executivo galego.
Arias, acompañada pola xefa da área de Turismo en Lugo, Paloma Vázquez, considerou que estas cifras “extraordinarias” vense refrendadas por un aumento dos viaxeiros nacionais destes en dous xeodestinos da provincia: a Ribeira Sacra recibiu un 20,5% máis destes turistas; e a Mariña Lucense, un 8,2% máis de viaxeiros nacionais.
Cidade de Lugo
En ámbolos dous casos, este incremento do mercado nacional coincidiu tamén cun avance no notable no número de viaxeiros totais nas dúas zonas. Un 19,9% na Ribeira Sacra e un 8%, na comarca da costa lucense. Esa corrente positiva non se reflectiu na cidade de Lugo, onde baixou o número de turistas nacionais un 5,5%, incidindo en que o número total de viaxeiros caeu en case un 4% (125.276 viaxeiros) no medio dun contexto autonómico de crecemento xeralizado.
A delegada indicou que esa baixada relativa tivo “unha caída pronunciada durante o verán, coincidindo coa folga do lixo na cidade de Lugo”, algo que tamén expresou Vázquez ao referirse aos datos de usuarios da oficina de Turismo da Xunta en Lugo.
Arias tamén aludiu ao incremento na demanda hoteleira en toda a provincia, que aumentou no 2014 un 10% con relación ao exercicio anual anterior, situándose preto da barreira do millón de pernoctacións (947.035, en total).
A delegada territorial insistiu en que os datos constatan que “que o sector continúa na senda de crecemento en dobles díxitos que marcou xa no ano 2013. Se hai un ano falabamos dunha subida de case o 11% no número de viaxeiros aloxados na provincia, agora confírmase que ese repunte era o inicio dunha tendencia que agora se materializa co crecemento do 13,8%”, enfatizou.
Na mesma liña, o número de peregrinos que chegaron a Compostela seguindo algunha das tres rutas oficiais que atravesan a provincia de Lugo aumentou tamén, alcanzando un 7,75% máis que no ano precedente, deparando que 185.334 peregrinos rematasen en Santiago a ruta xacobea logo de ter realizado o Camiño Francés, o Camiño do Norte ou o Camiño Primitivo.
Colaboración co sector
Arias valorou “a positiva evolución do sector, que se está a lograr, por suposto, co esforzo de todos os axentes implicados”. Así, referiuse tamén á implicación da Asociación Provincial de Hostalería en iniciativas como o acompañamento ao pelotón de La Vuelta, ou ao esforzo dos concellos atravesados polo Camiño de Santiago e os Municipios Turísticos por ofrecer a mellor atención aos peregrinos e visitantes, sempre coa colaboración da Xunta a través de distintos departamentos.
A Xunta, destacou, “respalda todas estas iniciativas ao tempo que impulsa a promoción nacional e internacional dos nosos recursos turísticos”. Como exemplo, expuxo que mañá mesmo, “a provincia de Lugo vai a arrancar cun papel protagonista dentro do stand da Xunta de Galicia en Fitur”. Durante a xornada de mañá, Arias explicou que se presentará a nova guía “… E para comer, Lugo”, a partir das 16.00 horas, promovida pola Asociacións Provincial de Empresarios de Hostelería. Tamén na tarde de mañá, contra as 18.30 horas, a Mancomunidade Mariña Lucense dará a coñecer Mariña Lucense, Mágica por naturaleza.
O xoves, dende as 11.00 horas, tocaralle o turno ao proxecto La Muralla Romana de piedra y de bytes, que promove o Concello de Lugo, que a partir das 12.30 horas terá relevo na proposta do Consorcio de Turismo da Ribeira Sacra: Ribeira Sacra Mírame.
Arias incidiu en que esta aposta por promocionar a provincia en Fitur ten que continuar “a boa senda dos últimos anos, onde se incide en valores que distinguen a Lugo doutros territorios: unha variada e atractiva oferta gastronómica, ambiental e patrimonial, baseada nun esmerado coidado e na nosa forma de entender a vida, o que fai que o turista que nos visita nos valore especialmente”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
