Navia, 20 de xaneiro de 2015.- O alcalde de Foz, Javier Jorge Castiñeira, invitou os asturianos a participar na duodécima edición da festa gastronómica dedicada ao berberecho, que se celebrará na vila focense este fin de semana, dende o venres 23 ao domingo 25. Foi durante a presentación do evento celebrada hoxe en Navia, acto no que o rexedor municipal estivo acompañado polo primeiro tenente de alcalde e concelleiro de Mar, Pedro Fernández Manín, e por Antonio García Pérez, colaborador da asociación Sempre Foz que é natural de Navia e reside en Foz dende hai décadas.
Javier Castiñeira destacou que “hai unha interacción moi importante entre as dúas bisbarras, o Occidente de Asturias e A Mariña de Lugo. Compartimos moitas cousas e son moitos os asturianos que viven na Mariña e tamén moitos os mariñanos que viñeron para Asturias”. Tamén comentou que Navia e Foz están “moi cerquita e por iso nos últimos anos son moitos os asturianos que participan na festa do berberecho para degustar este molusco nas datas nas que hai que facelo. Todos os que temos costa sabemos que o marisco hai que comelo nos meses de inverno; e xaneiro é un mes moi bo para facer a festa do berberecho”.
O alcalde de Foz engadiu que outro dos obxectivos deste festexo gastronómico é “tratar desestacionalizar os eventos, que normalmente moitos eles se deixan para o verán, que é cando máis afluencia de público hai. Neste caso trátase de aproveitar que estamos en boa época de extracción do berberecho para, coa asociación de comerciantes, industriais e autónomos de Foz e todos os hostaleiros, tratar de facer un fin de semana en xaneiro que sexa atractivo para que a xente se desprace ao noso municipio”.
Castiñeira recordou que “para nós o ano pasado foi un verdadeiro éxito facer a presentación aquí, en Navia, e concretamente neste establecemento, a Sidrería La Villa, un restaurante coñecido e onde todos os veciños de Navia saben que se come ben, que saben traballar o peixe e o marisco, e por suposto os berberechos”. E explicou que na festa do berberecho de 2014 “se venderon na carpa unhas 1.400 porcións, que non está nada mal, e nos establecementos hostaleiros se repartiron preto de 500 quilos máis”.
Despois da rolda de prensa, na propia Sidrería La Villa a delegación focense participou xunto aos clientes deste establecemento nunha degustación de berberechos cociñados en varias preparacións polo cociñeiro Guillermo Pérez García.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
