Cervo, 19 de febreiro de 2015.- O Concello de Cervo fixo balance dos resultados económicos de 2014 a través da liquidación, un documento elaborado polo departamento de Intervención e que é clave na xestión financeira xa que fala da situación das arcas municipais ao remate dun exercicio. O alcalde de Cervo, Alfonso Villares fixo públicos estes datos acompañado de membros do equipo de goberno.
O máis destacable é que todas as magnitudes teñen un signo positivo, como é o caso do remanente de tesourería para gastos xerais, que ascende a 1.505.026 euros, o cal permitirá facer modificacións orzamentarias no caso de que fosen necesarias neste exercicio.
En canto ao resultado orzamentario axustado, ascende a 581.601 euros, mentres o indicador de estabilidade orzamentaria sitúase nos 668.282, o que se traduce en superávit e, desta maneira, que o Concello ten capacidade para autofinanciarse e poder prestar servizos coa mesma calidade sen ter que solicitar novos préstamos. Desta maneira, o goberno local está cumprindo coa regra de gasto fixada polo Ministerio de Facenda.
Ao mesmo tempo, hai que destacar que esta non é unha situación puntual, senón que o Concello leva varios anos mantendo esta “tendencia positiva de tranquilidade económica e financeira”, asegura o alcalde.
Tamén cabe resaltar que este documento estase tramitando en prazo, e incluso con tempo de antelación. Así, a liquidación foi aprobada o 5 de febreiro e a Lei de Facendas Locais establece que a liquidación ten que remitirse ao Estado e ás Comunidades Autónomas antes de rematar marzo. O mesmo ocorreu co orzamento de 2015; a lei establecía que debía estar aprobado de forma definitiva antes do 31 de decembro e no Concello xa estaba o trámite superado o 11 de decembro de 2014.
Para Villares, todos estes datos e cifras “son importantes para, por unha banda, coñecer a situación económica e financeira na que nos atopamos e, pola outra, utilizalos como base para seguir traballando de forma planificada como vimos facendo ata o de agora”. Analizando os resultados en concreto, o rexedor asegura que “son moi positivos e froito dunha boa xestión, e polo tanto permiten manter a estabilidade e, con ela os servizos, realizar obras e investimentos e atender as necesidades dos veciños”.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
