A Mariña, 4 de febreiro de 2014. O colectivo de Emigrantes Retornados da Mariña decidiron en asemblea o pasado mércores as accións a levar a cabo nos próximos meses. Na asemblea deuse información do resultado da moción presentada polo BNG na Deputación de Lugo o día antes que foi aprobada cos votos en contra do Partido Popular. O colectivo prevé mobilizacións durante os próximos meses a empezar por unha concentración que terá lugar o próximo venres ás 11 da mañá diante do concello de Burela, ese mesmo día realizarase o primeiro dos catro actos informativos ás sete da tarde no salón de plenos do concello de Viveiro e continuarán o día 12 en Burela, o 19 en Foz e o 23 en Ribadeo. Tamén se editará un panfleto informativo para distribuír nas localidade da comarca.
O colectivo de Emigrantes Retornados da Mariña, integrado na Coordinadora Nacional Galega de Emigrantes Retornados que agrupa a 20 colectivos comarcais, decidiu o pasado mércores en asemblea continuar reclamando modificacións no trato fiscal da facenda española á vista de que os cambios normativos aprobados recentemente non son satisfactorios e cumpren coas súas demandas senón que son meros parches para saír do paso.
O colectivo mariñao en liña coas outra plataformas comarcais prevé realizar novas concentracións comarcais, actos informativos para explicar o proceso de regularización e devolución de sancións e intereses, un panfleto informativo e asistirá a calquera mobilización que se convoque pola coordinadora en Galiza.
Concretaron que a primeira concentración terá lugar o próximo venres, 7 de febreiro as 11 da mañá diante do concello de Burela á que seguirán outras aínda por decidir diante de concellos gobernados polo Partido Popular e mesmo diante das súas sedes ao facer a este partido responsábel dos seus problemas sen ofrecer solucións definitivas.
Emigrantes Retornados insiste en que segue sen resolverse o problema do trato discriminatorio entre as persoas que teñen un ou mais pagadores, non se recoñecen de oficio as pensións por invalidez concedidas fora do estado español e mantense nalgúns casos, sobre todo en pensións procedentes de Suíza, a dobre tributación.
As actuación previstas para os próximos meses son as seguintes:
· Venres, 6 de febreiro: concentración diante do concello de Burela ás 11:00
· Venres, 6 de febreiro: acto informativo no salón de plenos de Viveiro ás sete da tarde.
· Xoves, 12 de febreiro: acto informativo no Restaurante O Poeta de Burela ás sete da tarde.
· Xoves, 19 de febreiro: acto informativo no CENIMA en Foz ás sete da tarde.
· Xoves, 26 de febreiro.acto informativo no salón de actos da casa sindical de Ribadeo ás sete da tarde.
· O 13 de marzo está programada unha mobilización nacional en Compostela coa presenza de todas as plataformas comarcais.
· Durante os meses de marzo, abril, xuño e xullo faranse concentracións mensuais en puntos por definir, non descartando algunha actuación no mes de maio.
Emigrantes Retornados A Mariña.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
