Foz, 27 de febreiro de 2015. A Xunta de Galicia sacará a licitación o vindeiro luns a segunda fase da construción de beirarrúas en Cangas de Foz cun orzamento de 240.000 euros. Anunciouno este venres nesta parroquia focense a delegada territorial do Goberno autonómico, Raquel Arias, acompañada polo alcalde, Javier Jorge Castiñeira.
O rexedor municipal amosouse contento “por recibir hoxe no noso concello á delegada da Xunta de Galicia, Raquel Arias, que ven de anunciar que o próximo luns sairá no Diario Oficial de Galicia a licitación das obras da segunda fase das beirarrúas de Cangas. Era un compromiso da Xunta que fixo o propio presidente Alberto Núñez Feijoo aquí, en Cangas, e agora a conselleira de Medio Ambiente, Territorio e Infraestruturas, Ethel Vázquez, lévao a cabo.”
Javier Castiñeira explicou que a primeira fase da construción das beirarrúas “xa mellorou moitísimo a seguridade dunha estrada con moito tráfico e onde ten habido algún accidente. E agora esta segunda fase afecta a 500 metros máis polos dous lados da estrada. Esperamos que o proceso de licitación, adxudicación e contratación sexa o máis breve posible para que na primavera estean iniciadas as obras e durante o verán os veciños de Cangas e da zona poidan utilizar esas beirarrúas”.
O alcalde rematou comentando que Cangas “é a segunda poboación do concello de Foz, con cerca de 1.000 habitantes censados, polo que é unha zona importante de actuación”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
