Foz, 20 febreiro de 2015.- O BNG de Foz presenta a debate no pleno deste mes unha moción para conseguir que todo o mundo teña a tarxeta sanitaria que lle dea acceso á cobertura sanitaria universal.
A aprobación da Lei Xeral de Saúde Pública do PP, que entrou en vigor o 1 de xaneiro de 2012, deixou sen cobertura sanitaria a moitas persoas. Así sucede con algúns desempregados que non teñen cobertura sanitaria porque non cumpren a condición de “esgotar unha prestación ou subsidio por desemprego a partir do 1 de xaneiro de 2012”. Isto ocorre, por exemplo, cun estudante maior de 26 anos ou un autónomo que se deu de baixa na súa actividade e nunca cobrou o paro.
Os colectivos máis afectados por esta nova normativa son os inmigrantes sen permiso de residencia (aínda que leven moitos anos aquí), as empregadas do fogar inmigrantes aos tres meses de perder o seu traballo, os ascendentes con permiso de residencia por reagrupación, os parados que esgotasen a prestación e o subsidio e pasen máis de 90 días ao ano fóra de España, os maiores de 26 anos que non traballasen (teñen dereito á asistencia, que solicitan no INSS, pero non ao cartón sanitario europeo) e os pensionistas que deben afrontar repagos de medicamentos. Pero en definitiva quen perdemos somos tod@s nós porque perdemos un dereito que nos daba unha cobertura universal, independentemente da nosa situación. Segundo a responsable local do BNG e candidata nas próximas eleccións,
Lorena Seivane, “o Goberno do Estado e da Xunta condea a milleiros de xoves a emigrar por falta de traballo (24.600 en 2014) e despois aínda por riba deixaos sen cobertura sanitaria cando volven. Isto é un total despropósito”.
No outono de 2012 entrou en vigor o Real Decreto 16/2012 de medidas urxentes para garantir a sostibilidade do Sistema Nacional de Saúde, unha norma que privou da tarxeta sanitaria ás persoas emigrantes que non poidan regularizar a súa situación en España e que deixou sen este dereito a unhas 873.000 persoas no conxunto do Estado e arredor de 10.000 en Galiza.
Para Lorena Seivane “comprobouse que con este decreto, a asistencia sanitaria deixou de ser un dereito de todas as persoas, e pasou a ser unha prestación vinculada á condición administrativa de asegurado. Ademais restrínxense certas prestacións e auméntase a carga económica directa para as persoas, ademais de que despraza a atención ás urxencias (se esta se logra) e xera atraso diagnóstico e agravamento das patoloxías, o que supón un aumento do gasto sanitario para a súa atención”. Estudos noutros países demostraron que medidas de exclusión sanitaria similares xeraron un gasto ata catro veces maior do que custaría cunha atención inclusiva.
A asistencia sanitaria universal é un dereito recollido na Declaración Universal dos Dereitos Humanos, é unha obrigación ética e deontolóxica e é unha recomendación da OMS para estendela á maioría da poboación mundial. Tamén, o Consello de Europa advertiu xa ao Estado Español do incumprimento dun tratado internacional (Carta Europea dos Dereitos Sociais) respecto a este asunto. O propio Tribunal Constitucional afirmou en dous autos que “o dereito á saúde e o dereito á integridade física das persoas afectadas…, así como a conveniencia de evitar riscos para a saúde do conxunto da sociedade, posúen unha importancia singular no marco constitucional, que non pode verse desvirtuada pola mera consideración dun eventual aforro económico que non puido ser concretado”.
Por todo isto, o BNG insta, a través desta moción, á Xunta de Galiza e ao Goberno do Estado a derrogación da Lei de Saúde Pública vixente e a elaboración dunha Lei de Sanidade na que se estableza a cobertura sanitaria gratuíta e universal co fin de non deixar a ningunha persoa sen poder acceder a ela.
Lorena Seivane García
Responsable Local do BNG.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
