O Concello de Burela acondicionará os vestiarios do pavillón polideportivo dos Castros

Burela, 19 de febreiro de 2015.- O Concello acondicionará os vestiarios do pavillón polideportivo dos Castros. Farao con cargo ao POS 2015. Os traballos suporán un investimento de 22.700 euros. As instalacións foron supervisadas hoxe polo alcalde, José Mª González Barcia, e polos concelleiros de Obras e Deportes, Manuel Fernández Valle e Beatriz Piñeiro, xunto co director do colexio, Jesús Arranz, e a presidenta da ANPA, Mercedes Rubal. Os membros do equipo de goberno explicáronlles a Rubal e Arranz as obras que queren realizar. O rexedor anunciou que “se contratarán tan pronto como sexa posible e está previsto facelas neste mesmo curso escolar”.

Fernández Valle indicou que “o que imos facer é proceder á renovación dos alicatados do chan e das paredes ademais de todo o que ten que ver coa fontanaría desas instalacións. Queremos que eses vestiarios estean nas mellores condicións posibles para a súa utilización”.

Piñeiro lembrou “o compromiso deste equipo de goberno coa educación e co deporte deste concello. Durante o verán renovouse a pista polideportiva descuberta deste mesmo colexio, na que se investiron 22.000 euros”.
O concelleiro de Obras engadiu que “nas últimas semanas tamén estamos a pintar e renovar os vestiarios do pavillón dos institutos. A nosa preocupación por arranxar todas estas instalacións é máxima”.