O Observatorio da Mariña pola Igualdade súmase á iniciativa da Plataforma Galega polo Dereito ao Aborto e convoca para este luns 23 de febreiro, ás 20.00 horas, unha concentración na praza do Concello de Burela para amosar o seu rexeitamento contra os cambios propostos polo Goberno español na lei do aborto. Co lema “As mulleres decidimos, as menores tamén”, deféndese o dereito das mulleres de máis de 16 anos para decidiren sobre a súa vida e o seu corpo.
O pasado día 18 de febreiro, o Partido Popular presentou unha proposición de lei por vía urxente que contempla o cambio do artigo referido ao permiso paterno para os casos de aborto de mulleres de entre 16 e 18 anos, de xeito que antes de poderen interromper un embarazo non desexado, estas mulleres necesitarán obrigatoriamente o consentimento expreso da nai/pai ou representantes legais. De aprobarse esta reforma, que podería entrar en vigor en abril, existiría a posibilidade de que un pai ou nai puidese obrigar a unha muller de entre 16 e 18 anos a ter unha crianza non desexada.
A vía inusual utilizada polo Goberno para presentar esta reforma da lei do aborto, mediante a proposición de lei orgánica por parte do Partido Popular en lugar dunha proposta de lei ordinaria, permite saltar os trámites de informes do Consello Fiscal, o Consello Xeral do Poder Xudicial e o Consello de Estado. A proposición de lei inclúe únicamente dous artigos: un para eliminar o precepto da actual lei de 2010 (que permite o aborto sen consentimento de menores de máis de 16 anos en casos excepcionais) e un artigo novo na Lei Báscia de Autonomía da Paciente, para facer obrigatoria esta autorización.
Cómpre lembrar que a maioría de idade sanitaria estabelécese nos 16 anos ou por emancipación, polo que a autorización paterna/materna non é necesaria para intervencións como a cirurxía plástica.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
