Santiago de Compostela, 18 de febreiro de 2015.- O deputado do BNG, Daniel Rodas lamentou hoxe o voto en contra do Partido popular na comisión de pesca, da Proposición non de lei para modificar as actuais taxas das embarcacións artesanais que cualificou de “abusivas”.
Rodas explicou que a pesca de baixura xa está a padecer unha grave crise á que ten que sumar as desproporcionadas taxas ás embarcacións artesanais. O deputado lembrou que mentres baixan os ingresos, aumentan os gastos de explotación e o sector “xa non pode soportar este modelo impositivo”.
Tras a intervención do portavoz do Partido popular, José Manuel Balseiro que avanzou a presentación dunha emenda ao texto nacionalista por considerar que as taxas garanten a seguridade, Rodas replicou que nada ten a ver unha cousa con outra. Vostedes, dixo, privatizan o servizo de salvamento da Xunta e dobran a taxa de faros e sinais para “financiar SASEMAR”.
O nacionalista tamén criticou que o organismo encargado de aplicar as taxas, “nin sequera é galego”, está en Madrid e nada saben da nosa realidade polo que recalcou que moitas embarcacións deben cumprir con esta normativa estatal mercando o material de seguridade e cada ano proceder a súa revisión. En moitas ocasións, dixo, este material ten un alto custe pero é obrigatorio.
Ao desembolso para salvavidas, kit de bengalas de auxilio e salvamento, radiobalizas, botiquín, extintores, chalecos autoinchables, revisión de equipo de VHF debe engadirse o custe dos seguros para os tripulantes e embarcacións, mantemento e combustible que fai cada vez máis difícil desenvolver a súa actividade.
Todos os gastos do material de salvamento son estimados polo sector sobre 1.500 euros para unha embarcación de menos de 12 metros ao que hai que engadir as devanditas taxas.
Rodas lamentou que “unha vez máis, o PP dera as costas o sector” e anunciou que o BNG seguirá presentando iniciativas para un sistema impositivo en función dos ingresos.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
