Burela, 26 de febreiro de 2015. O comité executivo do padroado da Fundación Expomar está a traballar na organización das xornadas técnicas e dos encontros profesionais, que se celebrarán en maio coincidindo coa XVI Feira Monográfica Náutico Pesqueira Expomar.
O alcalde burelés e presidente da Fundación Expomar, José Mª González Barcia, indicou que se trata “dunha reunión do comité executivo do padroado da Fundación Expomar, no que está representado o sector náutico pesqueiro, a Consellería do Medio Rural e do Mar, Capitanía Marítima, a Organización de Produtores Pesqueiros, ABSA, a confraría de pescadores, o Concello. É o órgano encargado da organización das xornadas técnicas e dos encontros profesionais, que se celebran todos os anos e nesta ocasión coinciden coa 16ª edición da feira”.
González Barcia dixo que “a reunión de hoxe é fundamentalmente para poñer enriba da mesa os temas que máis lles interesan e afectan aos representantes do sector. Hai asuntos que son sempre recorrentes, como os relativos a cotas, descartes ou a comercialización, etcétera, que se abordarán eses días. E aparte dos temas que se analizarán tamén se abordou a busca de relatores, porque loxicamente queremos que os conferenciantes que veñan a Burela para participar nestes eventos sexan do máis alto nivel. Para iso contamos coa colaboración da Xunta de Galicia e do Goberno Central; e probablemente contemos coa participación de relatores do mundo da investigación e universitario”.
O comité executivo do padroado da Fundación Expomar seguirá a traballar nas vindeiras semanas na organización destes eventos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
