A ministra de Fomento, Ana Pastor, subscribiu este sábado, xunto ó presidente da Xunta de Galicia, Alberto Núñez Feijóo, 26 convenios para a rehabilitación de 454 vivendas en 19 municipios de Galicia cunha achega por parte de Fomento superior a 3,2 millóns de euros.
Este acordo enmárcase no Plan Estatal de Fomento do aluguer de Vivendas, a rehabilitación edificatoria e a rexeneración e renovación urbanas subscrito coa Xunta de Galicia e polo que o Ministerio aportará un total de 128,3 millóns de euros ata 2016.
Entre as áreas sobre as que se actuará atópanse barrios e centros históricos distribuídos por toda a xeografía de Galicia, con actuacións en Santiago de Compostela (en cuxo casco histórico vanse a rehabilitar 21 vivendas), e noutras como A Coruña, Ferrol, Muros, Padrón, Lugo, Mondoñedo, Ribadeo, Sober, Villalba, Viveiro, Ourense, Ribadavia, Verín, Bayona, Cangas, Marín, Pontevedra e Vigo.
Durante a súa intervención, Pastor destacou a aposta decidida do Ministerio de Fomento polo aluguer e a rehabilitación de edificios, destinada a mellora das contornas urbanas e, por extensión, da calidade de vida dos cidadáns.
A titular de Fomento recordou que dos oito programas que contempla o Plan Estatal de Vivenda, catro deles teñen que ver coa rehabilitación.
“A nova política de vivenda impulsada polo Goberno está centrada nas verdadeiras necesidades dos cidadáns”, apostilou a ministra.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
