Foz, 24 de marzo de 2015.- O Ministerio de Fomento sacará a licitación nas vindeiras semanas a obra de rehabilitación do firme da Nacional 642 cun investimento de 1.209.481,93 euros para mellorar 9,2 quilómetros desta estrada. Explicouno este martes en Foz o Secretario Xeral de Infraestructuras da Administración do Estado, Manuel Niño González, acompañado polo xefe da Demarcación de Carreteras del Estado en Galicia, Ángel González del Río, e polo responsable deste departamento en Lugo, Narciso González Florido, que se reuniron co alcalde, Javier Jorge Castiñeira, na Casa do Concello focense.
O rexedor municipal comentou que “dende o Concello de Foz agradecemos a súa presenza para abordar temas tan complexos como son o estado da Nacional 642 ao paso polo noso concello. Despois desta reunión congratulámonos de que efectivamente están sobre este asunto, pois está feito o proxecto de execución para a reparación do firme, que abarcará 9,2 quilómetros, divididos en tres tramos: dende o punto quilométrico 28,800, que está no núcleo de Mañente, ata o 36,500, en Fazouro; un segundo tramo próximo á variante de Burela; e outro tramo dende Burela ata Daián, xa no concello de Cervo. O groso destas obras vaise realizar no municipio de Foz. Estamos a falar dun investimento de 1.209.481,93 euros e o compromiso é que unha vez aprobada a obra, que xa o está, saia a licitación en próximas semanas no Boletín Oficial do Estado. E a partir de aí tratarase de contratar canto antes as obras”.
Javier Castiñeira tamén explicou que na reunión cos responsables de Carreteras do Ministerio de Fomento “abordamos outro tema importante, que sería a solución definitiva para todos estes problemas coa Nacional 642, que é o tramo de autovía A-82 dende Barreiros ata San Cibrao, que é estatal e actualmente está resolto o trámite ambiental e tamén o período informativo, polo que soamente queda a realización do proxecto definitivo. Para isto hai un compromiso orzamentario neste ano e así nolo confirmou o secretario general de Infraestructuras, xa que nos presupostos xerais do Estado para 2015 hai unha partida para licitar o contrato e que se redacte o antes posible. E nas próximas anualidades xa haberá partidas orzamentarias para a construción dese tramo, sobre todo no que se refire ao municipio de Foz”.
O alcalde focense rematou comentado que “o Ministerio ten boa vontade para reactivar isto en bo xeito e esperamos que, sobre todo o tramo máis urxente da Nacional 642, que é o de Mañente a Fazouro, estea rehabilitado antes do verán”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
