O voceiro provincial socialista, Manuel Martínez, subliñou este mércores que “a transparencia chegou á Deputación co actual Goberno, pois o PP non sabía, e segue sen saber tan sequera o que ese concepto significa”. Martínez respondeu así ás manifestacións do Partido Popular sobre o acceso á información no organismo provincial. O Deputado explicou que no 2014 a institución facilitou ao PP “todos e cada un dos días laborables do ano, todos, acceso a información, e neste 2015 seguimos nesa mesma liña. É imposible ofrecer máis, sen que iso supoña colapsar o funcionamento da Administración”.
O grupo popular pide “tal cantidade de papeis, todos os decretos, todos os acordos e todas as facturas, unha por unha, dende as referidas á compra de folios ata as da conservación da rede viaria provincial, que é inviable ofrecer a información con máis axilidade”, asegurou Martínez. Ante estas solicitudes “indiscriminadas, pensamos que, lonxe de pretender a necesaria fiscalización da labor de goberno por parte da oposición, o PP só busca este tipo de titulares, ou ben bloquear a administración”, engadiu.
O voceiro socialista destacou que o salto en transparencia co actual Goberno provincial “foi estratosférico”. “Co Partido Popular, esta institución foi declarada oficialmente polo Valedor do Pobo como hostil e entorpecedora. Hoxe somos a 6ª Deputación máis transparente de toda España. E non o dicimos nós, certifícao unha organización con prestixio recoñecido como Transparencia Internacional”.
Manuel Martínez recomendou así mesmo á voceira provincial do PP “que esixa a mesma dilixencia que pide á Deputación de Lugo naquelas institucións nas que goberna o seu partido, tanto en concellos como na Xunta, pois precisamente non se caracterizan pola transparencia”. Neste senso, o Deputado lembrou que o Goberno de Feijóo retén o 95% dos documentos que lle reclama a oposición, “por non falar dos constantes vetos do PP a comparecencias de Feijóo ou do plasma de Rajoy”.
Medidas de transparencia
O Goberno provincial mantén dende o 2007 unha firme aposta pola mellora da calidade democrática e a transparencia, por modernizar a administración e facela máis útil aos lucenses. Aprobou un Regulamento Orgánico para garantir a transparencia e facilitar ao máximo o labor da oposición. Por 1ª vez, dispoñen de dous locais de traballo e equipos informáticos, ademais de 3 asesores, cun custe anual para a Deputación de case 122.000 euros. O PP conta tamén con 5 deputados con dedicacións que suman preto de 200.000 euros ao ano. A Deputación dá resposta ás súas peticións de documentación nun prazo de 5 días.
Os deputados da oposición contan cun espazo na Secretaría Xeral para consultar todos os expedientes que require, así como servizo de copia; todas as semanas recibe unha relación do Rexistro de Entrada de Documentos, a orde do día e a acta das Xuntas de Goberno; e consulta todos os decretos e resolucións da Presidencia. A oposición pasou a estar en todas as mesas de contratación; e a Xunta de Voceiros, que nunca se reuniu nos 24 anos do Goberno provincial do PP, agás tras o Pleno posterior á toma de posesión, agora convócase para todos os asuntos de importancia para a provincia.
Sen embargo, a oposición non aproveita todos estes mecanismos de participación e mostra deixamento da súa función fiscalizadora. De feito, a Deputación ten documentado as numerosas ausencias dos Deputados do PP, tanto en mesas de contratación, como nos Consellos de Administración de SUPLUSA, reunións do padroado da Fundación TIC ou do Consello do INLUDES -cando existía-. O PP nunca ten substituto, é dicir o seu posto queda vacante nestes órganos institucionais, polo que o seu papel non o cumpre ninguén.
Ademais, o actual Presidente foi quen empezou a comparecencia anual da Deputación de Lugo no Parlamento de Galicia para explicar os orzamentos, pois o anterior Goberno provincial negouse a facelo, restándolle lexitimidade á Cámara autonómica.
A Deputación contesta agora en prazo a todas as peticións do Valedor, cando o PP nin recoñecía esta figura. Como exemplo, nos últimos tres anos dos populares á fronte do Goberno provincial –de 2003 a 2006- quedaron sen responder a metade das solicitudes do Valedor, que chegou a pedir ata 5 veces a mesma documentación sen obter ningunha resposta.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
