Lourenzá, 4 de marzo de 2015. O Concello de Lourenzá organiza un café calceta este sábado, día 7, a partir das cinco da tarde no Torreón dos Frades para conmemorar o Día da Muller. Nesta actividade participará a veciña do municipio María Geada Díaz, que ten 58 anos de idade e traballa de camioneira.
A alcaldesa, Emma Álvarez Chao, anunciou hoxe que “con motivo do Día da Muller, que se conmemora o próximo domingo, 8 de marzo, dende os Servizos Sociais do Concello de Lourenzá consideramos oportuno sumarnos, unha vez máis, ás celebracións dese día. Organizamos para o sábado día 7 ás cinco da tarde un café calceta no que contaremos coa presenza dunha veciña do noso concello, María Geada Díaz. É unha muller que é un exemplo de loita e de superación nun mundo considerado de homes ata hai moi pouco tempo. Ten 58 anos e leva parte da súa vida exercendo como camioneira. Polo tanto parécenos interesante que durante este café calceta, para o que convidamos a tódalas mulleres que queiran participar a que traian as súas labores, escoitar as vivencias desta muller que creo que representa ás mulleres que loitan por facerse un oco na sociedade día a día”.
A rexedora municipal engadiu que “ademais de mulleres coa calceta, ganchillo, bordado ou o que a persoa estime oportuno, tamén nos encantaría que algún home participase neste café acompañado da súa labor ou senón tamén serán ben recibidos. Pensamos en facer un café calceta para dalgunha maneira reivindicar o dobre papel que ten a muller. Neste acto ademais vamos falar entre nós e escoitar as vivencias dunha muller que loita por seguir día a día nun mundo ata hai pouco tempo considerado de homes. Polo tanto estaremos facendo dúas cousas a un tempo: calcetando, tomando un café coas amigas e escoitando as vivencias desta señora. Queremos reivindicar que as mulleres facemos o noso traballo na casa e ao mesmo tempo realizamos un traballo fóra igual de digno e igual de ben que calquera home. Polo tanto con este dobre uso que lle queremos dar a este café estamos poñendo en valor o traballo que moitas mulleres están facendo a día de hoxe, pero que veñen facendo dende hai moitos anos”.
Emma Álvarez rematou convidando “a todas as nosas veciñas e a aqueles veciños que queiran tamén pasarse por este café calceta a que se acerquen o vindeiro sábado, día 7, ás cinco da tarde ao Torreón dos Frades, no local que temos para Servizos Sociais. Serán ben recibidos e desta maneira tomaremos un café todos xuntos ao mesmo tempo que mostraremos as nosas labores e escoitaremos a unha profesional do volante que nos contarán as súas vivencias”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
