Son 12 puntos os que separan ao Ribadeo FC da zona de descenso na Terceira División e que, polo tanto, supoñen un colchón suficiente para encarar o resto da temporada coa tranquilidade de ter asegurada a permanencia de xeito virtual. Pero podían ser máis.
Os celestes adiantábanse no marcador no minuto 35 da primeira parte grazas a un remate de córner dende os pés de Dapo; aínda que eran os locais os que marcaron o dominio no Barraña achegándose á porta de Kiko con frecuencia, aínda con máis intensidade, despois de que Santi estrelara un penalti na cruceta. Foi nunha xogada perigosa pola que o árbitro expulsaba a un dos locais no minuto 19.
Ao pouco de saltar ao campo, na segunda metade, Añón marcaba dende fóra da area o primeiro para os coruñeses. E, a pesar de contar cun xogador menos, os de Rubén mantiveron o nivel de xogo buscando a vitoria. Paco marcaba o segundo no 59; pero esta non era a única oportunidade para o Boiro desatinado nos tiros á porta.
Finalmente, co tempo de desconto practicamente cumprido, Fernando marcaba para o Ribadeo dende a area pequena colocando o definitivo empate a 2.
Un punto máis para os celestes que desaproveitaban a superioridade numérica permitindo a remontada do Boiro.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
