Desde que os populares galegos tivemos coñecemento da problemática que afectaba a algúns emigrantes retornados puxémonos mans á obra na procura de solucións, con xestións ao máis alto nivel impulsadas tanto polo Presidente da Xunta como pola conselleira de Facenda. Foi sempre un asunto complexo, xa que mentres un 67% destes emigrantes cumpriron as súas obrigacións fiscais (segundo datos da Axencia Tributaria relativos ao IRPF do ano 2008) outros, non tiñan declaradas as súas pensións do estranxeiro, sen ningún ánimo de ocultalas.
Nunca consideramos xusto que, por aplicación automática do réxime tributario se lles considerada como defraudadores, xa que moitos dos afectados non tiñan feito as súas declaracións por falta de información. O obxectivo fundamental foi entonces, poñer na mesma situación a todos os emigrantes retornados: os que cumpriron e os que non. Ata o punto de que as peticións deste colectivo foron recollidas nun acordo unánime do Parlamento galego e trasladadas ao Ministerio de Facenda, que acabou asumindo a proposta realizada por Galicia.
Modificouse a lei do IRPF e abriuse un prazo extraordinario de seis meses, a contar desde o pasado un de xaneiro, para que os emigrantes retornados poidan regularizar as súas pensións, de xeito que non se vexan obrigados a pagar sancións, recargos nin xuros de demora e tamén se lles condonen e devolvan as sancións, xuros e recargos xa impostos con anterioridade.
Para acollerse a este trámite só hai que presentar un escrito (o modelo normalizado atópase en internet) onde se identifica o contribuínte, os anos correspondentes á débeda tributaria reclamada e o número de conta no que se fará o ingreso da devolución. A maiores, habilitouse un servizo de asistencia e asesoramento, no que colaboraban técnicos da Xunta, para todos os retornados que precisen de axuda para regularizar as súas obrigas tributarias a reciban.
Na Mariña lucense deuse un atranco a maiores: aínda que os emigrantes retornados podían presentar a súa solicitude de devolución e de regularización, para recibir a asistencia víanse na obriga de viaxar ata Lugo. Sensibles cos trastornos que implicaba esta circunstancia impulsamos xestións que se materializaron na confirmación de que tamén nas oficinas da Axencia Tributaria de Foz, previa cita, poderán recibir este asesoramento.
Creo que ninguén pode discutir a vontade de dar solución ás problemáticas que foron xurdindo. Tampouco que ese proceder construtivo sempre motivou o actuar dos populares galegos e incluso quen escribe en primeira persoa, coa miña implicación directa, tratou de ir resolvendo cuestións prácticas como que estes tramites puideran facerse desde A Mariña, sen necesidade de desprazamentos. Foi a nosa unha posición aberta ao diálogo e sensible, moi afastada dos intentos do BNG por manipular, polemizar e aproveitar o descontento existente dun colectivo ao comprendemos e polo que traballamos para que se corrixira.
Jose Manuel Balseiro Orol
Secretario do Parlamento de Galicia.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
