Santiago de Compostela, 26 de marzo de 2015.- A deputada do BNG, Tereixa Paz formulou hoxe unha pregunta na Comisión de Administración xeral sobre o papel da Asesoría Xurídica da Xunta nos procedementos xudiciais e as consecuencias da indemnización a Pescanova por unha decisión “errónea” do Goberno galego.
A parlamentaria aludiu á recente sentenza do Tribunal Supremo derivada do recurso sobre a suspensión da planta acuícola de Touriñán que recoñece a indemnización de 1,1 millóns de euros por parte da Xutan á empresa Pescanova, a pesar da falta de investimento da empresa na zona. A Xunta, afirmou a nacionalista, “repara unha ilegalidade con cartos públicos”.
Asemade advertiu da importancia deste caso xa que, ao seu entender, “ constitúe un procedemento para futuras reclamacións” como a suscitada polos construtores de Barreiros na que reclaman o pago de 140 millóns de euros, contía que consideran deixaron de cobrar despois de ter decidido a Xunta suspender o proxecto.
Tereixa Paz na súa intervención non cuestionou a capacidade dos letrados e letradas da Asesoría Xurídica da Xunta, sen embargo, asegurou que resulta “chamativo” que a propia sentencia explicite a falta da proba pericial que debía ser aportada para poñer en tea de xuízo a “lexitimidade da reclamación de Pescanova”.
A parlamentaria amosou a súa preocupación por unha sentencia que, a marxe do carácter cuantitativo a pagar a Pescanova, sitúanos, dixo, nun escenario irregular, “cun goberno que decide non respectar a normativa en materia medioambiental e no momento de reparar esa esa errática decisión, é a costa do desembolso do erario público”.
Neste sentido, lembrou que recentemente foi publicada unha información que confirma a intención das empresas que se consideran prexudicadas pola decisión da Xunta de Galiza ao anular o plan de Barreiros e que reclamarán 140 millóns de euros “que deixaron de gañar” e que agora, debemos pagar todos os galegos e galegas outra decisión errónea da Xunta de Galiza.
“A reparación da ilegalidade, por parte da Administración conleva este tipo de desembolsos”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
