A Xunta de Goberno aprobou este venres as obras de case 3 millóns de euros do Orzamento Participativo de 2015 en estradas provinciais de 16 Concellos. O voceiro provincial socialista, Manuel Martínez, explicou que se tratan dunhas actuacións que responden ás peticións veciñais, posto que o 15% dos cidadáns que se involucraron na elaboración do presuposto da Deputación para este ano, e que ascenden aos 55.000, solicitaron á institución luguesa investimentos en infraestruturas.
Os traballos acordados supoñen a mellora do firme con aglomerado en quente de 45 quilómetros de vías provinciais -nos que tamén se reforzará a sinalización- que discorren por Alfoz, Antas de Ulla, Baralla, Cervantes, A Pontenova, Barreiros, Ribeira de Piquín, Negueira de Muñiz, Sober, Pol, Foz, O Valadouro, Monterroso, Navia de Suarna, Lugo e O Saviñao.
Martínez destacou que “remataremos o mandato con 1.400 quilómetros da rede viaria provincial con aglomerado en quente”. O voceiro lembrou que a institución continúa coa execución do Plan de Rebacheo nas vías dos 67 Concellos lugueses e apuntou que se remataron estes traballos na metade dos municipios.
Por zonas, o investimento é o seguinte: na Mariña 826.671 euros para a mellora de preto de 14 quilómetros en estradas de Alfoz, O Valadouro, A Pontenova, Foz e Barreiros.
Proxectos aprobados
Concello de Alfoz: LU-P-0202 “de San Acisclo a Oiras” P.K. 3,650 ao 5,050; e LU-P-0210 “de San Acisclo por Allegue a San Antonio” P.K. 3,270 ao 3,910. Orzamento: 173.930 euros.
Concello do Valadouro: LU-P-6302 “de Calvario, na de Ferreira a Cangas, a Vilar, na LU-152 e Rampa a Iglesa” P.K, 0,000 ao 3,170. Orzamento: 169.078 euros.
Concello da Pontenova: LU-P-4808 “da Pontenova por Vilaouruz á N-640” P.K. 6,700 ao 9,000. Orzamento: 104.507 euros.
Concello de Foz: LU-P-2007 “de Nois por Cordido á de Eixo a Moas” P.K. 0,000 ao 4,716. Orzamento: 232.427 euros.
Concello de Barreiros: LU-P-0603 “de San Miguel de Reinante á Praia de Pasada” P.K. 0,000 ao 2,043. Orzamento: 148.729 euros.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
