Burela, 11 de abril de 2015.- O xogo xigante de Sogama Un partido polo planeta será coordinado polas monitoras do Centro de Educación Medioambiental Gaia ao longo de toda a vindeira semana.
Nesta actividade participará alumnado de 1º e 2º de educación primaria dos dous Ceips, e varias Asociacións (Fundación Eu Son, Asociación A Mariña e Asociación Camiña).
O luns día 13 o xogo estará no Ceip Virxe do Carme; o martes 14 de abril estará na aula que as monitoras do Centro Gaia teñen no Ceip Vista Alegre; o xoves día 16 estará na Asociación A Mariña en horario de 11:30 a 12:30 horas e ese mesmo día pola tarde na Fundación Eu Son en horario de 15:00 a 17:30 horas e xa de 18:15 a 19:15 horas estará na Asociación Camiña.
“A través deste soporte pedagóxico, Sogama en colaboración coas monitoras do Centro Gaia, pretende poñer de relevo a problemática que ocasiona a elevada xeración de lixo e as posibilidades para o seu reciclado, facéndose para isto necesario que a poboación separe os desperdicios por tipoloxías e os deposite correctamente nos diferentes contedores habilitados nas rúas: amarelo, azul, iglú verde e contedor xenérico. Con ese sinxelo xesto, non só se contribúe ao aforro de enerxía, materias primas e recursos,senón que os propios concellos poden saír beneficiados desde a dimensión económica, xa que, ademais de recibir ingresos por parte dos sistemas integrados de xestión pagaremos menos a Sogama”, explican desde a Concellería de Medio Ambiente de Burela.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
