Cervo, 21 de abril de 2015. O BNG – ASEMBLEAS ABERTAS en Cervo presenta unha candidatura totalmente renovada para as eleccións municipais de maio. Entre as 19 persoas que integran a candidatura, encabezada por Ramón Luís Bernando Insua, destacan moitas novas caras que proxectan ilusións renovadas e que representan diferentes sectores da sociedade: o mundo da cultura, o asociacionismo, a mocidade, o deporte, o sindicalismo, o ensino ou a emigración forzada polas políticas do Partido Popular que levaron a milleiros de mozas e mozos fóra do noso concello e país. A lista composta por once titulares e oito reservas demostra así a aposta do BNG – ASEMBLEAS ABERTAS por un Cervo para todas as veciñas e veciños.
O cabeza de lista, Ramón Luís Bernardo Insua, é o actual responsábel local do BNG e número dous da candidatura de hai catro anos. Bernardo Insua é coñecido polo seu traballo de dinamización social e deportiva como directivo da S.D. Cervo – Sargadelos, e del destaca a súa gran capacidade de traballo e entrega na organización de diferentes eventos sociais na vila de Cervo. Bernardo Insua sucede deste xeito no posto número un da lista a Xoán Antón Estúa, que pecha a candidatura titular no número once. Estúa ocupa agora un posto de honra, despois de ter sido portavoz municipal do BNG en Cervo durante os últimos doce anos, e desde un segundo plano seguirá traballando coa mesma forza que o fixo até o de agora.
As persoas que concorren na candidatura do BNG – ASEMBLEAS ABERTAS consideran que o cambio é necesario en Cervo, e únense ao proxecto nacionalista para lograr tres obxectivos: cambiar as fórmulas de actuar desde o Concello, rematar coa endogamia e abrir o Concello á participación da sociedade. En palabras do candidato nacionalista, “cómpre recuperarmos o concello para poñelo ao servizo de todas e todos extirpando a endogamia, o amiguismo e as redes caciquís do actual alcalde. Queremos rematar coa desigualdade, a precariedade, a falta de transparencia e de participación social para abrir o noso Concello ao conxunto da sociedade”.
Desta candidatura destaca o numeroso número de independentes ou persoas que nunca tiveran formado parte de listas políticas. Como afirma o número un da lista, desde BNG – ASEMBLEAS ABERTAS en Cervo “abrimos a candidatura aos veciños e veciñas do concello, incorporando un numeroso grupo de persoas non afiliadas que quixeron sumarse ao proxecto e que supoñen máis da metade dos postos da lista. Trátase de caras e perfís novos que contrastan coa continuidade e co de sempre que presentan as outras dúas opcións que concorren ás eleccións municipais de maio”, afirmou Bernardo Insua.
Para o candidato do BNG – ASEMBLEAS ABERTAS en Cervo “a espectacular perda de poboación desde a chegada do Partido Popular ao goberno municipal é un síntoma da incapacidade e ausencia de iniciativas para enfrontar esta grave problemática”. Bernardo Insua afirmou neste sentido que “sendo o concello a administración mais próxima ao pobo, debe converterse nunha ferramenta de dinamización económica e social para recuperar poboación, dinamismo socio-económico e ofertar saídas a mozas e mozos obrigados a marchar da terra por falta de oportunidades”.
Para acadar estes propósitos, o BNG – ASEMBLEAS ABERTAS presenta a seguinte candidatura:
CANDIDATURA BNG – LISTAS ABERTAS CERVO
1.- Ramón Luís Bernardo Insua
44 anos, traballador nunha empresa de seguridade, directivo da S.D. Cervo–Sargadelos
2.- Ibán Sánchez Rodríguez
37 anos, traballador de Alcoa
3.- Diego Fernández Martínez INDEPENDENTE
28 anos, traballador nunha auxiliar de Alcoa, delegado sindical da CIG, xogador do C.D. San Cibrao
4.- Elisa Pérez Vázquez
46 anos, guía da Casa da Administración en Sargadelos, presidenta da Asociación Karricanta
5.- Olga Castro Vázquez INDEPENDENTE
35 anos, foi xornalista e tradutora, e tras doutorarse na Universidade de Vigo en 2010 tivo que emigrar a Reino Unido, onde é profesora de universidade en Birmingham
6.- María Xosé Prado Viamonte INDEPENDENTE
54 anos desempregada, despedida de cerámicas Sargadelos, ex – delegada sindical da CIG
7.- Emilio López Arrojo INDEPENDENTE
49 anos, mecánico naval, traballador de Vestas, membro do comité de empresa en Vestas (CIG)
8.- María Fernández Rei INDEPENDENTE
35 anos, licenciada en Filoloxía Galega pola Universidade de Santiago de Compostela, na actualidade atópase emigrada en Madrid traballando como tradutora e editora.
9.- Xosé Pérez Saa INDEPENDENTE
51 anos, traballador de Alcoa, veciño da Calvela – parroquia de Vilaestrofe
10.- Xorxe Caldeiro Díaz
48 anos, activista sindical
11.- Xoán Antón Estúa García
50 anos, xoieiro, actual portavoz municipal, responsábel comarcal de organización do BNG na Mariña
Suplentes:
1.- Teresa Lorenzo Oroza INDEPENDENTE
49 anos, psicóloga, traballadora de Correos
2.- Xoán Carlos Barcia Boura
Licenciado en Filosofía, profesor no IES Perdouro
3.- Margarita García Abad INDEPENDENTE
41 anos, desempregada, fotógrafa de vocación
4.- Gumersindo Folgueira Otero INDEPENDENTE
56 anos, xubilado
5.- Manuela Franco Quiroga
56 anos, xubilada
6. Roberto Xermán Pérez Vila
47 anos, traballador de INDITEX, activista sindical na CIG
7.- María Luz Iglesias López INDEPENDENTE
50 anos, mestra, loitadora do ensino público en lingua galega
8.- Enrique Rodríguez Rodríguez INDEPENDENTE
60 anos, escultor
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
