O BNG de Mondoñedo presenta a candidatura para as eleccións municipais encabezada polo actual alcalde Orlando González Cruz. A lista combina a experiencia de xestión dos que xa estiveron no goberno e a ilusión e o compromiso das novas incorporacións.
Renovada nun 33%, a lista representa os diferentes sectores da sociedade mindoniense, integrada por 6 mulleres e 9 homes cunha media de idade de 45 anos, e que entenden a política como diálogo, cooperación e participación, capaces de sacar a diante os plans postos en marcha, así como tamén de aportar ideas novas e proxectos de futuro para Mondoñedo.
Lista do BNG de Mondoñedo para concorrer ás vindeiras eleccións municipais do 24 de maio de 2015.
1- Manuel Orlando González Cruz .
Médico, veciño de Mondoñedo e actual alcalde.
2- Elena Freire Castro.
Empregada, veciña de Mondoñedo e actual concelleira de Deportes, Xuventude e Muller. Comercio e Industria.
3- Eloi Cabanas Ramos.
Responsábel local do BNG de Mondoñedo, veciño de Vilamor e traballador do Servizo de Defensa e Prevención Contra Incendios Forestais da Xunta de Galicia.
4- Anxel Díaz García.
Empregado de Alcoa, veciño da parroquia do Carme e actual concelleiro de Obras e Medio Rural.
5- María Carme Maseda Díaz.
T.C.A.E. do Hospital da Costa e veciña de Mondoñedo.
6- Manuel Anllo Centeno.
Estudante de turismo en Santiago de Compostela e Veciño de Vilamor.
7- María Esmeralda Irimia Balseiro.
Técnica en transporte sanitario do 061 de Mondoñedo e veciña de Masma.
8- Pablo Rodríguez García.
Estudante de Arquitectura Técnica na Coruña e veciño de Mondoñedo.
9- Feliciano Berdeal-González Berdeal.
Fontaneiro autónomo e veciño de Masma.
10- Marián Salgueiro Castro.
Empresaria e veciña do barrio dos Muíños.
11- Iván Castillo Otero.
Empregado do Sindicato Labrego Galego e veciño de Viloalle.
Suplentes:
1- Víctor Vila López.
Enfermeiro do Centro de Saúde de Mondoñedo e veciño do Coto da Recadieira.
2- Ana Isabel Barreira Botana.
Auxiliar de enfermería do Hospital de San Pablo de Mondoñedo e veciña de Estelo.
3- Xusto María Fernández Haro.
Concelleiro de Cultura, Turismo,Rehabilitación e Patrimonio. Portavoz municipal do BNG e veciño de Mondoñedo.
4- María del Pilar Eiroa García.
Empregada, titular dunha explotación en extensivo de vacún de carne e veciña de San Martiño de Figueiras.
Unha candidatura con vocación clara de goberno, que aspira a incrementar a representación do BNG na Corporación Municipal, para seguir demostrando a veciños e veciñas que en época de crise e ante as medidas de recorte da dereita, outras políticas son posibles.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
