RIBADEO, 24 DE ABRIL DE 2015.- O programa de gobernabilidade que está elaborando o PSOE de Ribadeo incluirá a construción de parques para cans, instalacións que xa hai en moitas localidades, aínda que de momento non existen nesta zona. Este venres o candidato socialista á alcaldía ribadense, Roberto Ramos Piñeiro, e outros membros da lista, como David Fernández Feijoo ou Camilo Vázquez Corveiras, visitaron a parte traseira da avenida Rafael Fernández Cardoso, que é un dos lugares que barallan para a construír un dos canís.
Roberto Ramos explicou que “dentro das propostas que incluiremos dentro do noso proxecto de gobernabilidade está a construción de canís, parques para cans que poderían situarse en lugares como as explanadas que hai na parte de atrás da avenida Rafael Fernández Cardoso, zona que visitamos hoxe porque é unha das alternativas que barallamos para crear unha instalación dese tipo. Cremos que é un tema moi importante, xa que os cans, debido ao comportamento incívico de moitos dos seus donos, están xerando que haxa moitos excrementos polas rúas. Respecto a este tema seremos contundentes ao sancionar os comportamentos incívicos dos propietarios dos cans. Cremos tamén importante dotar ao punto limpo de Ribadeo das infraestruturas básicas necesarias para atender debidamente aos animais abandonados ou maltratados. E haberá unha ordenanza municipal para sancionar tanto o abandono como o maltrato animal e será a Policía Local a que atenda as denuncias nesta materia e reubique ao animal cando sexa necesario. Fomentaremos tamén a creación dunha asociación para a defensa dos animais nun futuro próximo”.
Seguridade cidadá
O alcaldable socialista en Ribadeo avanzou ademais asuntos relativos ao tráfico e á seguridade cidadá que incluirán no programa: “cremos que é moi importante tamén impulsar unha maior presenza da Policía Local nas rúas con máis afluencia de xente en Ribadeo e no entorno dos centros educativos, para evitar o absentismo escolar, o acoso, o consumo de drogas, a violencia, o acoso na rede e a violencia de xénero. E tamén ampliaremos a vixilancia nocturna. Substituiremos cando sexa posible as sancións económicas por traballos sociais que redunden en beneficio da comunidade e impartiremos, a través da Policía Local, programas de seguridade viaria nos centros educativos. Desenvolveremos e executaremos un plan de ordenación do tráfico, xa que agora mesmo hai moitos problemas neste aspecto, debido en parte as peonalizacións que se fixeron e que non levaron consigo unha reordenación do tráfico axeitada. Melloraremos a sinalización viaria e valoraremos a posta en marcha de novo da rede semafórica.
Tamén destinaremos parte da recadación por sancións de tráfico a medidas para mellorar a seguridade viaria urbana e impulsaremos os camiños escolares seguros para garantir a seguridade no desprazamento entre os centros e os domicilios dos nenos e nenas. Habilitaremos novas zonas de aparcamento e redeseñaremos os pasos elevados para a redución da velocidade, acompañados con bandas rugosas. Tamén temos a idea de habilitar prazas de aparcamento para taxis, o que nos foi solicitado polos taxistas, nas inmediacións da estación de autobuses, da praza de abastos e da praia das Catedrais”.
Roberto Ramos engadiu que “outro tema importante é o da mendicidade, polo que faremos un programa para atender a aquelas persoas que están nesa situación. Estudaremos caso por caso e actuaremos en colaboración coas institucións e asociacións oportunas. Tamén potenciaremos a autonomía dos grupos sociais sen acceso ao automóbil, de forma que se faga posible a mobilidade de nenos e nenas, persoas con discapacidade, con baixa renda, maiores ou as que non desexen depender do vehículo motorizado. Farémolo mediante axudas, abonos e fomento do transporte compartido”.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
