Lugo, 24 de abril de 2015. O vicepresidente e responsable de Benestar e Deporte da Deputación de Lugo, o nacionalista Antonio Veiga, anunciou esta mañá na rolda posterior á Xunta de Goberno do organismo provincial a “aprobación das bases que rexerán as subvencións para gastos correntes derivados da posta en marcha dos Servizos de Normalización Lingüística, unha liña de colaboración que creamos para que os concellos poidan contratar traballadores para desenvolver este servizo”, indicou un Antonio Veiga que concretou que este programa será presentada a próxima semana, unha vez que as bases sexan publicadas no Boletín Oficial da Provincia. Este proxecto conta cun orzamento de 100.000 euros.
Así mesmo, o vicepresidente provincial avanzou o contido dunha moción sobre a sanidade que presentará o grupo do BNG para o vindeiro pleno da Deputación, que se celebrará este próximo martes, día 28: “Imos levar unha moción para demandar uns servizos de atención primaria de calidade nos concellos da provincia de Lugo”.
Veiga relatou a difícil situación que atravesan os centros de saúde de moitos pequenos concellos do rural lucense, que acaba derivando nunha peor atención aos pacientes. “Desde o ano 2009, os cartos que a Xunta destina á atención primaria viñeron decaendo dun xeito alarmante e as consecuencias destes recortes tradúcense nun deterioro constante da atención sanitaria na nosa provincia, xa que a atención primaria é unha parte fundamental da mesma”, apuntou.
O vicepresidente provincial denunciou, “unha vez máis, que nos últimos anos desapareceron prazas de atención primaria; non se cubriron as vacacións ou baixas por enfermidade ou xubilación; existe sobrecarga de traballo e falta incluso material de traballo básico en moitos centros de saúde, polo que se impide que se estea prestando unha asistencia con eficiencia”, lamentou.
Novo caso en Burela
Antonio Veiga fíxose eco dun novo caso, “o dos pais e nais de Burela que recolleron máis de 700 sinaturas para que a praza de pediatra pola que estiveron esperando moito tempo sexa cuberto por un especialista e non por un médico de familia, como vén de facer o Sergas. Entenden que non é de recibo que non cubra esa praza un pediatra, unha opinión coa que estamos totalmente de acordo”, relatou.
Veiga recordou “as mobilizacións dos últimos meses en Brollón, Riotorto ou Pedrafita” e non circunscribiu estas reclamacións só aos concellos pequenos do rural, “senón que tamén hai carencias graves na capital, en barrios da cidade de Lugo, onde hai centros masificados como o da Milagrosa ou se levan prestando servizos de atención primaria nun local totalmente inadecuado, situación que se dá no Sagrado Corazón”, criticou.
Novos centros de saúde no Sagrado Corazón e na Residencia
Por todas estas razóns, “o que lle pedimos á Consellería de Sanidade é que cubra de inmediato as prazas vacantes en todos os centros de saúde da provincia, o incremento do orzamento necesario para dotar a eses centros de saúde dos recursos humanos e sanitarios suficientes en todos os concellos; e, finalmente, esixímoslle á Xunta a construción dun novo centro de saúde no barrio do Sagrado Corazón e outro no barrio da Residencia, para atender a demanda dos veciños destes barrios”, concluíu.
“Vacile á democracia” do PP coa moción sobre o rexistro civil
Tamén no referente ás mocións que se debaterán no vindeiro pleno da Deputación, o vicepresidente provincial fixo referencia á presentada polo Partido Popular relativa á reforma do rexistro civil, onde esixen que se garanta o carácter público deste servizo e que se manteña a gratuidade de todos os trámites e certificacións. “É curioso que o Partido Popular presente este moción. Entenderíamos que o fixese no Entroido, pero non agora, porque é un auténtico vacile á democracia”, afirmou.
Veiga argumenta esta opinión polo feito de que “o propio PP foi o que fixo esta reforma e agora desdinse. Xa sabemos que ao PP de Lugo o teñen marxinado en Santiago, pero o que tiñan que propoñerlle aos seus deputados de Lugo é presentar unha moción de censura ao señor Rajoy, que foi o que propuxo isto. Agora parece ser que se opoñen, cando outros partidos sairamos xa hai tempo posicionándonos en contra e avisando do que ía acontecer ao respecto”, rematou.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
