A Xunta de Goberno celebrada este venres aprobou a lista dos primeiros 70 beneficiarios do Ben Empregado!, o 4º macroproxecto de fomento do emprego que a Deputación puxo en marcha nos últimos catro anos. Son os primeiros dun total de 300 lucenses desempregados que accederán a un posto de traballo en máis de 220 empresas e asociacións sen ánimo de lucro de toda a provincia.
Estes 70 beneficiarios asinarán a vindeira semana os contratos para comezar a traballar en diferentes empresas e entidades da provincia por un período dun ano. Serán contratos de calidade, nos que se inclúen cláusulas sociais; estables e con vocación de continuidade, xa que para a selección final das entidades beneficiarias puntuouse máis alto canto máis grande era o compromiso de ditas empresas e colectivos para prolongar os contratos. Igualmente, tamén a vindeira semana, e antes de incorporarse aos seus novos postos de traballo, todos eles recibirán unha xornada de formación gratuíta na Deputación.
En canto ás entidades nas que prestarán servizos estes traballadores, cuxos perfís responden ás necesidades reais destas, atópanse negocios de hostalería; explotacións agrícolas; axencias de viaxes; empresas do sector da madeira; librarías; empresas de servizos inmobiliarios; de artesanía; panaderías; consultorías medioambientais e de servizos de novas tecnoloxías; negocios de automoción ou de electrónica, entre outras.
A Deputación está a desenvolver a segunda fase deste plan que, cun orzamento que aumenta ata os 6 millóns, permitirá a participación de aínda máis entidades e, polo tanto, a contratación de máis desempregados, en concreto máis de 350.
Máis fomento do emprego
Tamén en relación coa creación de emprego, a Xunta de Goberno acordou solicitar a ampliación da programación de cursos do Pacto polo Emprego II, cofinanciado ao 80% por fondos europeos, para aumentar o número de accións formativas deste plan de emprego grazas a máis de 320.000 euros procedentes de remanentes.
As accións formativas previstas son 11: 5 de Coidador de discapacitados físicos e psíquicos; 4 de Atención especializada para enfermos de Alzheimer e 2 de Asesoramento na función xerencial. Cada unha destas accións ofrecerá 15 prazas, polo que se poderán beneficiar outros 165 lucenses desempregados.
Nesta liña, outro dos acordos adoptados hoxe foi a adxudicación de tres novas bolsas formativas para o Servizo de Novas Tecnoloxías, dirixidas a alumnos de Formación Profesional da provincia de Lugo. Este programa de bolsas, no que levan participado 37 persoas nos dous últimos anos, foi posto en marcha pola Deputación hai algo máis de dous anos, á vista do elevado número de alumnos procedentes de ciclos que solicitaban facer prácticas neste departamento do organismo provincial.
Ampliación de prazos
Outros dos acordos adoptados pola Xunta de Goberno celebrada hoxe foi ampliación do prazo de execución das actividades e obras subvencionables co Plan en Impulso do rural e o sector primario, dotado con 2,2 millóns de euros. Este novo prazo rematará o vindeiro 30 de xuño e non o 30 de abril como estaba previsto inicialmente.
Martínez destacou que o obxectivo desta prórroga é non prexudicar a ningún dos máis de 800 veciños e colectivos que as solicitaron atendendo, por unha banda, ao elevado número de peticións recibidas e, por outra, á natureza das obras subvencionadas (recuperación de terras; peche de viñedos; dotación e mellora de traídas de auga; arranxo de camiños, etc.), moitas das cales non se puideron acometer a causa da climatoloxía invernal.
Apoio aos veciños da Residencia
Fóra dos asuntos da Xunta de Goberno, o voceiro provincial socialista trasladou en nome do equipo de Goberno “o total apoio ás reivindicacións dos veciños e veciñas do lucense Barrio da Residencia”, que piden a dotación inmediata de servizos nas instalacións do antigo hospital Xeral, tal e como prometeu Feijóo o 25 de febreiro de 2011.
Martínez lembrou que o pasado mes de marzo o Pleno provincial aprobaba, coa abstención do PP, unha moción esixindo a posta en uso destes edificios, que hoxe “seguen baleiros, abandonados como toda a provincia de Lugo”. Esta falta de actividade está a provocar o deterioro do inmoble e afectando á actividade económica da zona e, por extensión, á de todo Lugo.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
