Burela, 24 de abril de 2015. Representantes do BNG de Burela e da Mariña veñen de reunirse este venres co comité de empresa da antiga ECESA, para trataren o futuro da entidade e a situación que atravesan os traballadores.
Os membros de comité trasladaron ós nacionalistas a posible solución que se vislumbra para o que popularmente se coñece na vila como o “Lavadero”. Unha nova firma mineira, Miduesa, das mais potentes do estado, está interesada na planta burelá, comprometéndose a contratar de novo uns 25 traballadores do actual plantel de 30 xa de entrada e aumentando o seu cadro de persoal pasado o tempo ata chegar ós 50 que xeralmente o compoñían a pleno rendemento. A nova propietaria presentou un proxecto productivo de futuro cunha nova instalación na propia mina de San Román, o arranxo da mesma. Incluso os contratarían co convenio estatal de instustrias extractivas, favorable para os obreiros con respecto ó que tiñan ata o de agora.
A gran problemática que se presenta ante esta situación é o farragoso proceso xurídico no que se atopa a empresa, cunha actual dirección que recurre tódalas sentencias derivadas do proceso concursal, o que está a ralentizar tódolos trámites para que o grupo mineiro se faga propietario de toda a instalación. Semella que sería unha lástima que por atrancos a nivel xudicial se votase a perder esta oportunidade para que os obreiros voltaran ós seus postos de traballo, a gran preocupación tanto destes últimos como do BNG.
O BNG aportará solucións para dar continuidade á producción frente á especulación.
Os nacionalistas comprometéronse cos traballadores de “Área Minera del Atlántico”, novo nome co que se coñecía a firma burelá, a trasladar a situación ó parlamento de Galiza, instando á Consellería de Industria a que tente mediar no conflicto xurídico aberto, para que iso axilice os trámites necesarios e os traballadores volten ó traballo e así asegurar a continuidade desta industria.
“Non era lóxico que unha fábrica na que durante décadas traballaron diferentes xeracións de burelaos e burelás pechase as súas portas cando seguía a ser rendible, posto que dispón da mellor materia prima do mundo e man de obra cualificada” salientou Mario Pillado. Ademáis o portavoz nacionalista opina que “para nós é fundamental que os traballadores teñan capacidade de decisión sobre o seu futuro, debemos xestionar nós o que é noso, por iso nos ofrecemos a ser a súa voz onde se vaian a resolver os problemas que teñen para voltar ó traballo”. Sería, para os nacionlistas, un éxite que se asegurase a continuidade de ECESA, posto que isto significaría a aposta polos sectores productivos fronte á especulación, que semella que pode estar detráis deste conflicto.
Por último os membros do BNG alí presentes prometeron dar cumprida información das xestións que leven a cabo e de como avancen as mesmas e citaronse cos traballadores para novos encontros.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
