Burela, 10 de abril de 2015. O alcalde, José Mª González Barcia, reuniuse este venres coa comisión de festas de Burela e cos grupos encargados de elaborar as alfombra floral. Nas vindeiras semanas seguirán os contactos e o traballo preparatorio.
O rexedor explicou que “desta foi unha primeira toma de contacto con persoas que van formar parte da comisión de festas e serán elas as que decidan se incorporan máis xente á comisión ou non. Neste sentido desde a Alcaldía temos que agradecerlles a disposición e o compromiso que adoptaron para facerse cargo da comisión de festas”.
González Barcia dixo que “nas dúas reunións que tivemos con colectivos do concello, algúns, como o das palilleiras, mostráronse dispostos a colaborar, non dentro da comisión de festas directamente, pero si a axudar de forma activa desde fóra para que as festas de Burela poidan celebrarse”.
E insistiu: “como alcalde teño que reiterar o agradecemento a esas persoas e ás asociacións que van colaborar e ademais teño que dicir que o Concello comportarase como fixo ao longo dos anos; é dicir, poñendo os seus recursos materiais e humanos a disposición da comisión de festas para todo o que sexa preciso e cun obxectivo común: que as festas de Burela sexan máis que dignas, que dean realce ao noso pobo e que fundamentalmente salgan ben. Xa para a próxima semana vanse seguir mantendo reunións coa comisión de festas. O Concello vai participar, sempre e cando nolo demanden”.
Tras este encontro o alcalde tamén participou no que celebraron os membros da comisión de festas de Burela cos grupos que realizan os distintos tramos da alfombra floral do sábado das festas. “Esta xuntanza é o punto de partida para a elaboración das alfombras. Nosoutros brindamos a mesma colaboración que nos anos anteriores. Non houbo ningún problema nos últimos anos e o Concello vólvese a comprometer ao mesmo de sempre, con todos os seus medios: a traer o verde, o sal, as tinguiduras, etcétera”, engadiu José Mª González Barcia.
O alcalde burelés subliñou que “a alfombra floral é un acontecemento importante dentro das festas de Burela polo que significa de realce dos festexos e tamén pola participación de xente non soamente o propio día da elaboración da alfombra senón previamente, nas semanas anteriores, para a preparación de todos os elementos que son precisos para facela”.
Amigos da banda
Esta tarde reunións comezaba coa que mantivo o rexedor coa nova directiva da asociación de amigos e amigas da Banda de Burela. González Barcia indicou que “se trata dunha primeira toma de contacto. É unha entrevista pedida por eles e nosoutros accedemos encantados. Esta nova directiva formouse recentemente e con eles abordaremos aquelas cuestións que sexan de interese tanto como o Concello como para a asociación de amigos e amigas da banda”.
“Nestes últimos tres anos e medio mantivemos contactos sucesivos coa anterior directiva, había puntos de acordo e outros de desencontro, pero eu creo que o que nos move a todos é que a banda continúe a súa actividade, aínda que pode haber discrepancias en como se faga ou de quen dependa. Nese sentido eu estou plenamente convencido de que se todos poñemos boa vontade isto pode canalizarse debidamente”, manifestou o alcalde de Burela.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
