A Mariña, 21 de maio de 2015.- A responsable comarcal do BNG, Ana Ermida, pide aos veciños e veciñas da Mariña “que confíen no BNG para os gobernos dos seus concellos” e afirma que “o Bloque é neste momento unha forza en ascenso na Mariña e quedará demostrado este domingo en moitos concellos da comarca”. Ermida prognostica “un bo resultado” para o BNG na comarca porque, di, “moitos cidadáns e cidadás da Mariña queren que o Bloque estea nos gobernos dos seus concellos porque saben que cando está o Bloque o Concello funciona”, afirma.
“O BNG é unha forza política de referencia e claramente en ascenso na comarca da Mariña porque os veciños e veciñas saben que a xente do Bloque somos de fiar e somos unha garantía para os Concellos da Mariña, unha garantía de seriedade, transparencia, honradez e bo goberno para todos os Concellos e demostrámolo”, afirma a responsable nacionalista que pon como exemplo os gobernos do Bloque de Ribadeo, Mondoñedo e Riotorto.
Ana Ermida destaca que “as perspectivas para o BNG son boas” e di que “é algo que nestes 15 días de campaña palpamos con claridade”. Os nacionalistas fixeron na Mariña unha campaña centrada nos principais problemas e necesidades da comarca, como a sanidade ou as infraestruturas e puxeron en valor o traballo do Bloque tanto nas alcaldías nas que goberna como desde a Vicepresidencia da Deputación. O Bloque mantivo o seu discurso para os concellos centrado na defensa dos servizos públicos fronte aos recortes acometidos polos gobernos do Partido Popular e no impulso á democracia e a transparencia para poñer os Concellos ao servizo dos veciños e veciñas.
“Está en xogo que a Mariña siga contando na Deputación”
O BNG preséntase ás eleccións deste domingo na comarca da Mariña co obxectivo de mellorar os resultados acadados hai catro anos, nos que os nacionalistas conseguiron máis de 10.000 votos na comarca, unha porcentaxe próxima ao 20%, 35 concelleiros, un deputado provincial, o actual vicepresidente da Deputación Antonio Veiga, e as alcaldías de Ribadeo, Mondoñedo e Riotorto.
A responsable do Bloque na Mariña afirma que “ademais de estar en xogo os gobernos dos concellos, está en xogo tamén este domingo que a Mariña siga contando no Goberno da Deputación” e lembrou que “a nosa comarca estivo completamente esquecida durante décadas cos gobernos do PP na Deputación e só coa presenza do Bloque e de Antonio Veiga como Vicepresidente da Deputación comezou a estar presente”. “Nunca tanto se fixo na Mariña desde a Deputación como nestes anos nos que leva o Bloque”, afirma Ana Ermida.
O BNG pechará a campaña con actos en Viveiro, Foz, Riotorto, Cervo, Barreiros e Ribadeo
O BNG fixo unha campaña “intensa e centrada na comarca”, que pechará mañá con actos en Viveiro, Foz, Riotorto, Cervo, Barreiros e Ribadeo e na que “os protagonistas e as protagonistas foron os candidatos e candidatas do BNG”. A responsable comarcal do BNG destaca “o compromiso das persoas que integran as candidaturas do BNG” e explica que “a frescura e a presenza da mocidade son protagonistas nas listas do Bloque na Mariña”, onde das máis de 200 persoas que integran as candidaturas nacionalistas máis da metade son persoas independentes que non militan no BNG e en moitos casos que nunca participaran en política.
Pola contra, Ana Ermida critica “os vellos métodos políticos do PP” e di que nestes 15 días houbo “unha sobredose de conselleiros e cargos da Xunta na comarca e mesmo do presidente da Xunta, Alberto Núñez Feijóo, que tivo totalmente esquecida á comarca estes anos e ven agora a pedir os votos”. “Moi mal deben pintar as cousas para o PP na comarca da Mariña que Feijóo e os seus conselleiros non saían daquí”, conclúe.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
