Valadouro, 21 de maio de 2015.- Tras rematar o mitin de Ribadeo, Paula Prado e José Manuel Balseiro, trasladáronse a O Valadouro para arroupar a José Manuel Lamela.
Na casa da cultura de O Valadouro, os populares pediron o voto para o candidato popular e alertaron de que votar a outras forzas políticas que non sexa o PP significa apostar por partidos que se encargan de “mercadear” coa alcaldía desta localidade.
Prado e Balseiro lembraron o traballo de mercader político que exerceu neste municipio o Secretario Xeral dos Socialistas Galegos, Gómez Besteiro, en maio de 2013, quen autorizou un pacto valorado en 100.000 euros para impedir ao PP seguir gobernando malia a ser o partido elixido polos veciños. Manifestaron que son os veciños os que deciden o Goberno co seu voto, non os políticos con cartos.
Así as cousas, Balseiro dixo que desde que gobernan estes señores O Valadouro só é coñecido por malas noticias para os veciños nunca con unha noticia positiva. Indicou tamén que se o PP non gana con maioría absoluta “seguiremos sen goberno como ten acontecido nos últimos dous anos” e, nese senso fixo un chamamento ao voto útil.
Balseiro denunciou tamén o engano electoral que representa as estacas que a Deputación esta colocando e dicindo que vai a ser para o futuro polígono.
“Durante todo estes anos tiveron tempo máis que suficiente para facelo, ademais dixeron e prometeron que o ían facer”- sentenciou o popular, quen manifestou que, agora, a uns días das eleccións fan este teatrillo; pero os veciños deben saber que o custe do polígono é de 1,8M€ e a Deputación a través do Suplusa tan so teñen consignando -pero para toda a provincia- 1,6M€, sen que o polígono do Valadouro apareza nin nos presupostos da Deputación nin nos do Suplusa. “Está claro que é un paripé, que a poucos enganan”, concluíu o popular.
Pola súa banda, José Manuel Lamela insistiu en que os veciños non poden ser os prexudicados das continuas liortas do desgoberno de O Valadouro e pediu o voto para a súa candidatura como garantía de seriedade, unidade e responsabilidade.
Lamela asegurou que afronta por segunda vez o reto de ser alcalde con moita seriedade, polo que elaborou unha lista de persoas honestas para recuperar á alcaldía e rematar así con todos os proxectos que puxo en marcha cando era alcalde.
Convencido de que O Valadouro precisa saír do caos no que está inmerso, Lamela pediu o voto para devolverlle aos veciños o que se merecen e que non reciben dende fai case dous anos. “Eles non poden ser os prexudicados nin teñen por que soportar as continuas liortas e enfrontamentos deste desgoberno”- manifestou.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
