Jaime Cancio Rodríguez, como concelleiro na Corporación Municipal, presenta un rogo para que a vindeira corporación municipal traballe nun proxecto de instalación de salas multicine no municipio de Foz.
Cancio asegura “que os veciños/as da Mariña en xeral demandan se estude a posibilidade de poder dispoñer de salas de cine, e consideran unha necesidade cultural realizable e posible.
Para esta demanda, é necesario propostas e proxectos que podan ser sostibles e cribles, e dada a realidade actual non sería sostible a instalación de SALA MULTICINES en cada concello da Mariña.
O pasado de esta comarca fala de importantes salas de cine e unha oferta cultural para os mozos de aquel momento moi positiva, entendo pois que temos unha débeda cos mozos e mozas de esta comarca da Mariña.
O Concello de Foz, como centro xeográfico da Mariña terá que dar un paso ao fronte para liderar esta proposta e poder ser esa referencia cultural”.
Polo tanto, “ROGO a CORPORACIÓN MUNICIPAL DE FOZ, dende o día da súa constitución traballe nun proxecto de instalación de salas MULTICINE no noso concello con xestión público- privada, CON DIÁLOGO COMARCAL E XESTIONANDO AS AXUDAS DENDE A DEPUTACIÓN E XUNTA DE GALICIA , con trasporte comarcal (servizo de bus pensado nos máis mozo que se poda desprazar e se adapten aos horarios de cine)”.
Jaime Cancio Rodríguez.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
