As da Mariña saíron en avalancha sobre a portería do Ordizia. Tras unha magnífica ocasión nos primeiros compases, de Claudia asistida por Peque, que freou o corpo de Itziar, xa no primeiro minuto, Gaby subiu o 1-0. O continuo perigo galego sobre as filas das de Guipúscoa non atopaba os seus froitos, con Maite, que non puido controlar o esférico na área visitante no 5 e Paula, no 8, rozando o pau. Con todo Bea si soubo aproveitar a súa oportunidade no 11, de rexeite. Con 2-0, Peque, cun mísil no 14, e Cris, asistida por Claudia, dispuxeron das mellores oportunidades locais para ampliar distancias antes do descanso.
As laranxas volveron á pista dominando o xogo. Tras o 3-0 anotado xa no minuto 21 por Maite, de picada, Ordizia apostou polo xogo de cinco adiantando á meta Itziar sen complicacións para Patri. No minuto 27, o pase cruzado de Gaby non atopou resposta na área visitante, e no 29, con porta baleira, o disparo de Claudia topouse coa defensa de Guipúscoa. Superado o ecuador da segunda parte, as de Lucas non cesaron no seu empeño de ampliar a fenda; no 31 Claudia e no 33 Gaby estreláronse contra a porteira, no 32 o pau freou o lanzamento raso de Peque. Patri resolveu sen problemas a mellor ocasión das do Ordizia, nas zapatillas de Olatz (minuto 38). A falta de 52 segundos, Gaby non puido aproveitar a porta baleira cun balón demasiado alto. Paula e Bea tamén intentaron incrementar a renda laranxa ao final sen éxito.
Vista Alegre pecha o pano de 2014-15 con tres puntos máis. A noticia negativa da xornada protagonizouna Peque; a pichichi burelista pode sufrir unha escordadura tras unha mala pisada nos últimos minutos do encontro.
Ficha técnica
Burela FS Pescados Rubén: Patri, Cris, Claudia, Peque, Gaby, cinco inicial; tamén xogaron Maite, Paula, Bea Mateos
Ordizia KE: Itziar, Ane I. Insausti, Irati, Miriam, Ainara, cinco inicial; tamén xogaron Olatz, Maite, Ane, Sarah
Goles: 1-0, minuto 1, Gaby; 2-0, minuto 11, Bea Mateos; 3-0, minuto 21, Maite
Árbitros: Castro Bermúdez // Corral Martínez (Lugo)
Tarxetas: Por Ordizia amarela a Miriam (minuto 21), Itziar (minuto 38)
Incidencias: Partido correspondente á xornada 29 de Primeira División disputado no pavillón Vista Alegre de Burela.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
