Burela, 8 de maio de 2015.- O gol mariñán queda na casa. O pichichi Iago Míguez seguirá sendo laranxa ata 2017; así quedou reflectido na súa renovación co CD Burela FS Pescados Rubén. A ala-pivote mariñán, de 24 anos, estivo acompañado polo presidente do club, Manuel Blanco, e o directivo José Ángel Dovale para formalizar a súa continuidade.
“Renovar co equipo da casa sempre é doado; tiñamos as ideas claras polas dúas partes” aseguraba Iago, que recoñecía estar moi cómodo na súa terra e co seu equipo, co que medrou e madurou: “Síntome moi a gusto. Cada ano fun asentándome e collendo minutos importantes e con máis protagonismo. En números esta foi a mellor tempada, pero sobre todo estou contento porque os minutos serviron para axudar o equipo a cerrar unha boa tempada” analizaba o 5 laranxa a súa experiencia sénior en Burela desde 2011, facendo balance tamén de 2014-15: “Desde que estamos en Primeira esta foi a mellor tempada; este ano conseguimos obxectivos importantes. O equipo soubo sobrepoñerse ao gran hándicap das lesións e clasificarse para a Copa de España. A priori moitos non contaban con Burela e conseguilo foi un gran mérito, que completamos sabendo competir en Cidade Real; foi un momento especial, sempre quedará na memoria de todos”.
Iago Míguez aposta por seguir dando pasos cara adiante en 2015-16, coa estrea de Daniel Ibañes no banco: “Estou seguro de que seguiremos en progresión”, aseguraba o burelao, que tamén quixo agradecer o labor de Juanlu, que “nos axudou e ensinou moito tanto aos xogadores máis novos coma a min; se hoxe estou aquí, con estes números, é grazas a el”.
Desde a directiva, Manuel Blanco mostrouse moi orgulloso de contar con Iago para seguir construíndo o proxecto burelista en Primeira: “Estamos moi contentos; esta renovación é a primeira pedra dun equipo sólido que volverá apostar pola estrutura de 2014-15. Iago é un xogador da casa, que conseguiu medrar co equipo grazas ao seu traballo, compromiso e dedicación. É a mellor referencia, o exemplo para as categorías de base”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
